Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
सिल्लोड (मेट्रोपोलिस पोस्ट वृत्तसेवा) : ट्रकने अचानक ब्रेक दाबले. त्यामुळे मागून दुचाकी ट्रकवर आदळली. यात दुचाकीवरील दोघांचा जागीच मृत्यू झाला. हा अपघात छत्रपती संभाजीनगर- जळगाव महामार्गावरील चिंचखेडा (ता. सिल्लोड) येथे सोमवारी (२३ फेब्रुवारी) रात्री साडेअकराच्या सुमारास घडली.
कैलास सखाराम मगर (वय ३७) व संजय बारीकराव खटाळ (वय ३८, दोघे रा. निल्लोड, ता. सिल्लोड) अशी मृत्यू झालेल्यांची नावे आहेत. भवनच्या एका हॉटेलमध्ये मॅनेजर असलेले कैलास मगर आणि याच हॉटेलमध्ये वेटर असलेले संजय खटाळ हॉटेल बंद करून दुचाकीने घरी परतत होते. चिंचखेडा येथील एका हॉटेलजवळ समोर धावणाऱ्या ट्रकने अचानक ब्रेक लावल्याने दुचाकी ट्रकला मागून धडकली. मगर यांच्या पश्चात वडील, पत्नी, मुलगा, मुलगी आहे. खटाळ यांच्या पश्चात आई, पत्नी, दोन मुले असा परिवार आहे. दोघांवर मंगळवारी दुपारी दोनला अंत्यसंस्कार करण्यात आले. मगर यांनी नुकतेच नवीन घर बांधले होते. पुढील महिन्यात वास्तुशांती होती.
