Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : शहरात अनधिकृत फलक, होर्डिंग्ज लावणाऱ्यांविरुद्ध महापालिकेने मोहीम तीव्र केली आहे. मंगळवारी (२४ फेब्रुवारी) सकाळी सिडको एन ८ मध्ये कारवाई करताना एका हॉटेलमालकाविरुद्ध गुन्हा दाखल करण्यात आला आहे.
मनपा अतिक्रमण निरीक्षक प्राप्ती जाधव यांनी याप्रकरणात तक्रार दिली आहे. शहरातील अनधिकृत फलकांविरुद्ध कारवाई करण्याच्या ड्युटीवर त्या होत्या. त्यांना मंगळवारी (२४ फेब्रुवारी) सकाळी साडेअकराच्या सुमारास वेणुताई चव्हाण रोड ओंकार गॅस एजन्सीजवळ एन-८ सिडको येथे अनधिकृतपणे विद्युत खांब, रस्त्याचे कडेला हॉटेल तरटे यांच्या नावाचे जाहिरातीचे फलक दिसले. त्यावरून त्यांनी हॉटेल तरटेच्या मालकाविरुद्ध सिडको पोलीस ठाण्यात तक्रार दिली आहे. अधिक तपास पोलीस अंमलदार भीमराव शेवगे करत आहेत.
