छत्रपती संभाजीनगर (मेट्रोपोलिस पोस्ट वृत्तसेवा) : एका ५७ वर्षांच्या पोलीस उपनिरीक्षकांच्या कृत्याने अवघे शहर पोलीस दल हादरून गेले आहे. मोबाइल हरवल्याची तक्रार घेऊन आलेल्या २३ वर्षीय तरुणीवर वारंवार लैंगिक अत्याचार करून, दोनवेळा गर्भपात करवल्याचा आरोप क्रांती चौक पोलीस ठाण्यातील पोलीस उपनिरीक्षक सुभाष चव्हाणवर तरुणीने लावला आहे.
आधी मैत्री केली, नंतर विविध ठिकाणी नेऊन वारंवार बलात्कार केला. यातून ती गर्भवती राहताच दोन वेळा गर्भपातही केला. मारहाण केल्यानंतर तिने पोलिसांत धाव घेतली. त्यावरून पोलिसांनी चव्हाणविरुद्ध गुरुवारी (१९ फेब्रुवारी) बलात्कार, अॅट्रॉसिटीचा गुन्हा नोंदवला आहे. तक्रारीनुसार, २३ वर्षीय तरुणी ७ मार्च २०२५ रोजी क्रांती चौक ठाण्यात मोबाइल हरवल्याची तक्रार देण्यासाठी आली होती. चव्हाणने तिचा दुसरा मोबाइल नंबर घेत तपासाचे कारण पुढे करून वारंवार संपर्क सुरू लागला.
१७ मार्च २०२५ रोजी मोबाइल सापडल्याचे सांगून त्याने तिला एका हॉटेलमध्ये बोलावले. त्यानंतर विश्वासात घेत, मी तुझी जबाबदारी घेतो, लग्न करतो, असे आमिष दाखवून त्याने तिच्यासोबत शारीरिक संबंध प्रस्थापित केले. रेल्वेस्थानक परिसर, अहिल्यानगरमध्ये नेत तिच्यावर वारंवार बलात्कार केला. यातून जून २०२५ मध्ये तरुणी गर्भवती राहिली. चव्हाणने तिला पुण्यात नेऊन गर्भपात करवला. जुलै २०२५ मध्ये चव्हाणने तरुणीला धमकावून जातिवाचक शिवीगाळ सुरू केली. तिला घाबरवून, धमकावून बलात्काराचे सत्र सुरूच राहिले. मारहाणही करू लागला.
तरुणीने त्याच्या कुटुंबाला हा प्रकार सांगण्याची धमकी दिल्यावर त्याने तिच्यावरच खंडणीचा गुन्हा नोंदवण्याची धमकी दिली. तरुणी दुसऱ्यांदा गर्भवती राहिल्यानंतर चव्हाणची पत्नी नर्मदा, मुलगा सागरने गर्भपात करण्यासाठी तिला मारहाण केली. संतप्त तरुणीने वरिष्ठ पोलीस अधिकाऱ्यांकडे धाव घेत तक्रार केली. वरिष्ठ पोलीस अधिकाऱ्यांनी हा प्रकार गांभीर्याने घेऊन चव्हाणसह त्याची पत्नी, मुलाविरुद्धही गुन्हा दाखल केला आहे. अधिक तपास सहायक पोलीस आयुक्त सागर देशमुख करत आहेत.
तरुणी मूळची नांदेडची...तरुणी मूळची नांदेडची असून, पुण्यात सध्या नोकरी करते. सुभाष चव्हाणने अहिल्यानगरमध्ये नेऊन तिच्या गळ्यात बनावट मंगळसूत्रही घातले होते. आता तू माझी बायको झाली आहेस, असे म्हटला होता, असे तरुणीने तक्रारीत म्हटले आहे. दोनदा गर्भपात करवल्यानंतर मी उच्च जातीचा असून, तुझ्यासारख्या मुलीशी लग्न करणार नाही, असे म्हणत त्याने मारहाण केल्याचा आरोपही मुलीने लावला आहे.
.jpg)
.jpg)
.jpg)
.jpg)
.jpeg)
.jpeg)
.jpg)
