अजिंठा लेणी पहायला आलेल्या पर्यटकांवर मधमाशांचा हल्ला!; ७ जपानी नागरिकांसह ४० जखमी

बचावासाठी पर्यटकांना घ्यावा लागला स्वच्छतागृहाचा आधार

On 19 Feb 2026

अजिंठा लेणी पहायला आलेल्या पर्यटकांवर मधमाशांचा हल्ला!; ७ जपानी नागरिकांसह ४० जखमी

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : शिवजयंतीसह वीकेंडच्या सुट्या असल्याने सध्या जिल्ह्यातील पर्यटनस्थळांवर मोठी गर्दी दिसून येत आहे. त्यातच बुधवारी (दि.१८) सोयगाव तालुक्यातील जगप्रसिद्ध अजिंठा लेणी पाहायला आलेल्या पर्यटकांवर मधमाशांनी अचानक जोरदार हल्ला चढवला. मधमाशांनी केलेल्या हल्ल्यात ७ जपानी पर्यटकांसह विद्यार्थी व नागरिक असे एकूण ४० जण जखमी झाले. मधमाशांपासून बचावासाठी नागरिकांना शेवटी स्वच्छतागृहांचा आधार घ्यावा लागला. हल्ल्यात जखमी जपानच्या ७पर्यटकांसह इतरांवर परिसरातील खासगी रुग्णालयात उपचार करण्यात आले.

अजिंठा लेणी परिसरात कपारीला मधमाशांची अनेक पोळी आहेत. मध्यंतरी ही पोळी भारतीय पुरातत्त्व विभागाने काढली होती. परंतु, मधमाशांनी नंतर पुन्हा पोळ बनवले. लेणी क्रमांक १० व २६ समोर मोठे मधमाशांचे पोळ आहे. बुधवारी लेणी क्रमांक १० समोरील पोळावरील मधमाशांनी दुपारी तीनच्या सुमारास पर्यटकांवर हल्ला केला. भीतीने पर्यटक सैरावैरा पळत सुटले होते. दुपारच्यावेळी पाण्याच्या शोधात तहानलेल्या मधमाशा बाहेर पडतात. अशावेळी त्या नागरिकांवर हल्ला करण्याचा धोका जास्त असतो. बुधवारची घटना ही त्यातूनच घडली असावी, असा अंदाज आहे. मधमाशा हल्ला करत असलेल्या परिसरात दुपारी ३ ते ५ या वेळेत २ तास पर्यटकांना बंदी घालण्यात आली होती.

वर्षभरात पर्यटकांवर मधमाशांचे १० हल्ले
गेल्या वर्षभरात मधमाशांनी १० वेळा पर्यटकांवर हल्ले केले आहेत. यात शेकडो पर्यटक जखमी झाले आहेत. याआधी मधमाशांनी १६ जपानी पर्यटकांवरही हल्ला केला. यातील ७ पर्यटक जखमी झाले. तसेच घनसावंगी तालुक्यातून सहलीसाठी आलेल्या शालेय विद्यार्थ्यांवरही मधमाशांनी हल्ला केल्याने विद्यार्थ्यांसह शिक्षक असे १० जण जखमी झाले. मधमाशांनी हल्ला केल्यानंतर काही दिवस पर्यटकांची संख्या रोडावते. खबरदारी म्हणून १० गतवर्षी भारतीय पुरातत्त्व विभागाने वन विभागाचे पुणे येथील पथक बोलावून लेणी परिसरातील मधमाशांचे अनेक पोळ हटवले होते.

गोळीबार करून पोलिसांशी पंगा घेणाऱ्या ८ जणांच्या टोळीवर ‘मोक्का'ची कारवाई; छत्रपती संभाजीनगर शहर पोलीस आयुक्‍तांचे कठोर पाऊल

By District Correspondent

छत्रपती संभाजीनगरात हायटेक पद्धतीने महागड्या कार चोरणारी टोळी!; आणखी दोन महागड्या कार केल्या गायब... कसे करतात चोरी, काय आहे तंत्रज्ञान...

By City News Desk

अजिंठा लेणी पहायला आलेल्या पर्यटकांवर मधमाशांचा हल्ला!; ७ जपानी नागरिकांसह ४० जखमी

बचावासाठी पर्यटकांना घ्यावा लागला स्वच्छतागृहाचा आधार

आणखी महत्त्वाच्या बातम्या

छत्रपती संभाजीनगर महापालिकेचे भाजप नगरसेवक नावंदर यांच्या निवडीवर आक्षेप

मुलीला कॉल केल्यावरून तरुणाला बेल्टने बेदम मारहाण, आधी कॉलेजमध्ये नंतर रूममध्ये घुसून हल्ला, सिडकोतील घटना

बनोटीच्या यात्रेत चोरट्यांनी घातला धुमाकूळ; १५ महिलांचे तब्बल १० लाखांचे दागिने लंपास

अजिंठा लेणी पहायला आलेल्या पर्यटकांवर मधमाशांचा हल्ला!; ७ जपानी नागरिकांसह ४० जखमी

महापालिकेत विरोधी पक्षनेतेपदी एमआयएमचे अब्दुल समीर साजेद

आठवीत शिकणाऱ्या १४ वर्षीय विद्यार्थिनीची आत्‍महत्‍या, सिल्लोड तालुक्यातील धक्कादायक घटना

अचानक टायर फुटले; भरधाव कार रस्त्याच्या कडेला उलटल्याने तरुण व्यापाऱ्याने गमावला जीव

छत्रपती संभाजीनगर पोलिसांकडून ‘बुलेटराजां’वर कारवाईचा दणका

छत्रपती संभाजीनगर जिल्ह्यात लवकरच ६३७ ग्रामपंचायतींचे कारभारी निवडले जाणार

डीजे चालकांना पोलिस प्रशासनाची तंबी : कामे घ्याल तर डीजे जप्त करून थेट गुन्हे दाखल करण्याचा इशारा

खुलताबाद तालुक्यात शेतकऱ्याचा मृतदेह आढळला विहिरीत; रात्रीच्यावेळी पिकांना पाणी देणे बेतले जीवावर

Latest News