Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : अंबादास दानवे यांच्याकडे विरोधी पक्षनेतेपद राहिले नाही, विधान परिषद सदस्यत्वाचा कालावधी ४ महिन्यांपूर्वीच संपला आहे, त्यामुळे सरकारने त्यांना दिलेली ‘वाय प्लस एस्कॉर्ट' सुरक्षा काढून घेतली आहे. राज्य शासनाच्या गृह विभागाने शुक्रवारी (२० फेब्रुवारी) हा निर्णय घेतला आहे.
गृह विभागाकडून आदेश मिळताच छत्रपती संभाजीनगर शहर पोलीस आयुक्तालयाने दानवेंच्या सुरक्षेसाठी तैनात पोलिसांना परत बोलावून घेतले. विरोधी पक्ष नेते किंवा आमदार नसतानाही इतके दिवस त्यांच्याकडे सरकारी वाहन व पोलीस कर्मचारी तैनात होते. गृह विभागाच्या आढाव्यानंतर व सुरक्षा पुनरावलोकन समितीच्या शिफारशीनुसार तातडीने सुरक्षा काढून घेण्यात आली. या निर्णयाबद्दल राजकीय वर्तुळात चर्चा सुरू झाली आहे.
.jpg)
