Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : आईला शिवीगाळ करत बेदम मारहाण करून काठी डोक्यात घालत जखमी करणाऱ्या पुत्राविरुद्ध सिडको पोलिसांनी गुरुवारी (१९ फेब्रुवारी) गुन्हा दाखल केला आहे. ही घटना आंबेडकरनगरमध्ये बुधवारी (१८ फेब्रुवारी) दुपारी १ च्या सुमारास घडली.
सुशिलाबाई बाबुराव कसारे (वय ५५, रा. आंबेडकरनगर) यांनी या प्रकरणात तक्रार दिली आहे. त्या पती, मुलगा संतोषसह राहतात. त्या आणि त्यांचे पती मजुरी काम करतात. तक्रारीनुसार, संतोष दारू पिण्याच्या सवयीचा आहे. बुधवारी दुपारी १ च्या सुमारास त्या घरी स्वयंपाक करत असताना संतोष दारू पिऊन आला. तो सुशिलाबाई यांना म्हणाला, की फॅन चालू कर...सुशिलाबाईंनी फॅन चालू न केल्याच्या कारणावरून संतोषने वाद घालून शिवीगाळ करत सुशिलाबाई यांना हाताचापटाने मारहाण केली. काठी डोक्यात मारून डोके फोडले. घाटी रुग्णालयात उपचार घेतल्यानंतर सिडको पोलीस ठाण्यात येऊन सुशिलाबाईंनी तक्रार दिली. त्यावरून पोलिसांनी संतोषविरुद्ध गुन्हा दाखल केला आहे. अधिक तपास पोलीस अंमलदार विद्या राठोड करत आहेत.
.jpg)
