Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
वैजापूर (मेट्रोपोलिस पोस्ट वृत्तसेवा) : दुचाकीला भरधाव टिप्परने समोरून जोरात धडक दिली. यात दुचाकीस्वार युवकाचा जागीच मृत्यू झाला, तर एक जण गंभीर जखमी झाला आहे. ही घटना शुक्रवारी (२० फेब्रुवारी) रात्री दहाच्या सुमारास शिऊर बंगला (ता. वैजापूर) रस्त्यावरील एका हॉटेलजवळ घडली.
गणेश पुंडलिक जपे (वय ३५, रा. चिकटगाव, ता. वैजापूर) असे मृत्यू झालेल्या युवकाचे नाव आहे. गणेश जपे आणि ऋषिकेश मच्छिंद्र ठेंगडे (वय २७, रा. शिऊर) हे दोघे दुचाकीने (क्र. एमएच २० सीओ ४०५७) शिऊर गावाकडून शिऊर बंगल्याकडे जात होते. शिऊर बंगल्याकडून येणाऱ्या टिप्परने (क्र. एमएच २० सीटी ५९९६) त्यांना उडवले. गणेश यांचा जागीच मृत्यू झाला, तर ऋषिकेश ठेंगडे गंभीर जखमी झाले. नागरिकांनी ऋषिकेश यांना उपचारासाठी वैजापूर येथील खासगी रुग्णालयात दाखल केले. गणेश जपे यांच्या पश्चात आई, पत्नी, दोन मुली, मुलगा, भाऊ, असा परिवार आहे. अपघाताची माहिती मिळताच शिऊर ठाण्याचे पोलीस निरीक्षक वैभव रणखांब यांनी घटनास्थळी धाव घेऊन पंचनामा केला. टिप्परचालकाला पोलिसांनी पाठलाग करून अटक केली. टिप्पर पोलीस ठाण्यात जमा केले आहे.
.jpg)
