एमआयएमच्या ‘या’ १६ नगरसेवकांवर टांगती तलवार, कुणी आणले अडचणीत अन्‌ कोणत्या कारणास्तव, जाणून घेऊ...

By City News Desk

On 06 Feb 2026

एमआयएमच्या ‘या’ १६ नगरसेवकांवर टांगती तलवार, कुणी आणले अडचणीत अन्‌ कोणत्या कारणास्तव, जाणून घेऊ...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : छत्रपती संभाजीनगर महापालिकेत निवडून गेलेल्या एमआयएमच्या १६ नगरसेवकांना अपात्र ठरविण्याची मागणी करण्यात आली आहे. सरकारी जागेवर अतिक्रमण, खोटे जात प्रमाणपत्र, अनधिकृत बांधकाम, तिसरे अपत्य, उमेदवारी अर्ज भरताना खोटी माहिती देणे अशाप्रकारच्या तक्रारी त्यांच्याविरुद्ध करण्यात आली आहे.

या तक्रारींची महापालिका प्रशासन चौकशी करून विभागीय आयुक्‍तांकडे अहवाल सादर करेल. त्यानंतर विभागीय आयुक्‍त त्यावर सुनावणी घेतील. विभागीय आयुक्‍तांच्या निकालाविरुद्ध नगरसेवक किंवा तक्रारदार न्यायालयात जाऊ शकतात किंवा नगरविकास विभागाकडेही दाद मागू शकतात. उल्लेखनीय बाब अशी, की तिसरे अपत्य झाल्यास उमेदवार अपात्र ठरतो, मात्र दुसऱ्या प्रसुतीवेळी जुळी मुले झाली तर सवलत मिळते, हे विशेष.

कोणत्या नगरसेवकाविरुद्ध काय तक्रार?
एमआयएमच्या १६ नगरसेवकांविरुद्ध तक्रार करण्यात आली आहेत. निवडून आलेला प्रभाग, नगरसेवकांची नावे, तक्रारीचे स्वरुप आणि तक्रारदार असे :
प्रभाग ८ अ : भारती महेंद्र सोनवणे : शासनाच्या जागेवर अनधिकृत बांधकाम, तक्रारदार कैलास नाथाजी हिवराळे
प्रभाग ६ ड : मेहराज खान जलील खान : तीन अपत्‍ये, तक्रारदार गाझी सादोद्दीन जहीर अहमद
प्रभाग १४ ड : मुन्शी भिकन पटेल : चार अपत्‍ये, तक्रारदार मुस्कान तबस्सुम सलीम पटेल व डॉ. खान जफर अहमद
प्रभाग ५ क : फरजाना शेख गुलाम रसूल : प्रस्तावक व अनुमोदक सही नाही, तक्रारदार अबुल आला हाशमी
प्रभाग ५ ब : अब्दुल समीर साजिद : खोटे जातप्रमाणपत्र व खोटे शपथपत्र, तक्रारदार रफत यार खान
प्रभाग १५ क : नूरजहा इकबाल : सरकारी जागेवर अतिक्रमण, तक्रारदार प्रिती संतोष तोतला
प्रभाग १ ड : मजहर अय्युब पठाण : सरकारी जागेवर अतिक्रमण, तक्रारदार युवराज वाळेकर
प्रभाग ९ ब : शाहीन रहीम पटेल : जात वैधता प्रमाणपत्र जोडले नाही, तक्रारदार शबनम सलीम कुरेशी
प्रभाग ७ अ : जीवनकपाल हिवराळे : विनापरवानगी घराचे बांधकाम, तक्रारदार डॉ. संदीप जाधव
प्रभाग १४ ब : फेरोज खान मोइनोद्दीन खान : विनापरवानगी घराचे बांधकाम, तक्रारदार कलीम छोटू कुरेशी