राँग साइड रिक्षाने आधी दुचाकीला उडवले, नंतर कारने रिक्षाला ठोकरले, ४ जखमी, चिकलठाण्यातील जालना रोडवरील दुर्घटना

By City News Desk

On 06 Feb 2026

राँग साइड रिक्षाने आधी दुचाकीला उडवले, नंतर कारने रिक्षाला ठोकरले, ४ जखमी, चिकलठाण्यातील जालना रोडवरील दुर्घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : राँग साइड सुसाट निघालेल्या रिक्षाची धडक दुचाकीस्वाराला बसली. त्यानंतर रिक्षा अचानक थेट रस्‍त्‍यावर आल्याने समोरून येणारी कार रिक्षावर धडकली. गुरुवारी (५ फेब्रुवारी) रात्री ९ ला चिकलठाणा बाजारासमोर हा अपघात घडला. दोन्ही वाहने रस्‍त्‍यातच एकमेकांत अडकून पडल्याने जालना रोडवरील वाहतूक खोळंबली होती. पोलिसांनी धाव घेऊन वाहतूक सुरळीत केली. नागरिकांच्या मदतीने वाहनेही बाजूला केली.

नक्की काय अन्‌ कसं घडलं...
रिक्षाचालक चिकलठाणा बाजार परिसरात राँग साइड जात होता. रिक्षाची धडक दुचाकीस्वाराला बसली. त्यामुळे दुचाकीस्वार दूरवर फेकला जाऊन जखमी झाला. यात रिक्षाचा तोल गेला अन्‌ अचानक रिक्षा रस्त्यावर आली. अचानक रिक्षा समोर आल्याने कारने रिक्षाला ठोकरले. कार केम्ब्रिज चौकाच्या दिशेने जात होती. कारची धडक बसताच रिक्षाचालकासह कारमधील तिघे जखमी झाले. रिक्षा चेंडूसारखी थेट रस्त्याच्या खाली जाऊन आदळली. काव्या बकाल (वय ७), कीर्ती बकाल (वय २२), किरण बकाल (वय २७) या जखमींवर मिनी घाटीत उपचार करण्यात आले. सिडको एमआयडीसी पोलीस ठाण्यात अपघाताची नोंद करण्यात आली आहे.