- Marathi News
- पॉलिटिक्स
- खैरे-दानवेंतील वाद कायम राहणार!; खैरे म्हणाले, मी मोठा नेता, त्याच्यासोबत मी जुळवून घ्यावे काय?
खैरे-दानवेंतील वाद कायम राहणार!; खैरे म्हणाले, मी मोठा नेता, त्याच्यासोबत मी जुळवून घ्यावे काय?
On
छत्रपती संभाजीनगर (सीएससीएन वृत्तसेवा) : शिवसेनेच्या ठाकरे गटात माजी खासदार चंद्रकांत खैरे आणि आ. अंबादास दानवे यांच्यातील वाद कायम राहणार असल्याचे बुधवारी (५ डिसेंबर) अधोरेखित झाले. दोघांच्या गटबाजीत लोकसभा आणि विधानसभा निवडणुकीत ठाकरे गटाचा दारुण पराभव झाला. त्यांच्या गटबाजीला कंटाळून अनेक पदाधिकारी, कार्यकर्ते ठाकरे गट सोडून शिंदे गटात गेले, पण दोघांतील मनमुटाव काही मिटत नसल्याचे […]
छत्रपती संभाजीनगर (सीएससीएन वृत्तसेवा) : शिवसेनेच्या ठाकरे गटात माजी खासदार चंद्रकांत खैरे आणि आ. अंबादास दानवे यांच्यातील वाद कायम राहणार असल्याचे बुधवारी (५ डिसेंबर) अधोरेखित झाले. दोघांच्या गटबाजीत लोकसभा आणि विधानसभा निवडणुकीत ठाकरे गटाचा दारुण पराभव झाला. त्यांच्या गटबाजीला कंटाळून अनेक पदाधिकारी, कार्यकर्ते ठाकरे गट सोडून शिंदे गटात गेले, पण दोघांतील मनमुटाव काही मिटत नसल्याचे चित्र आहे. आता तर खैरे यांनी थेट सांगूनच टाकले, की मी मोठा नेता आहे, त्याच्यासोबत मी जुळवून घ्यावे का? एकूणच दोघांतील वर्चस्ववाद इतक्यात संपणार नसल्याचे चिन्हे आहेत.
चंद्रकांत खैरे आणि अंबादास दानवे यांच्यातील वर्चस्ववादाची परंपरा दीर्घकाळापासून सुरू आहे. लोकसभा निवडणुकीपासून हा वाद अधिकच पेटला आहे. लोकसभा निवडणुकीसाठी अंबादास दानवे यांनी उमेदवारी मागितली होती. त्यावरून खैरे आणि त्यांच्यात चांगलेच वाक्युद्ध रंगले. उद्धव ठाकरे यांनी वाद मिटवल्यानंतर खैरे यांच्यासाठी प्रचार करण्याची तयारी दानवे यांनी दाखवली. पण प्रत्यक्षात त्यांनी काम केलेच नाही, असा आरोप खैरे यांनी पराभूत झाल्यानंतर केला होता. नंतर विधानसभा निवडणुकीही हाच वाद कायम राहिला आणि ठाकरे गटाचे सहाही उमेदवार पडले. आता महापालिका निवडणुकीची तयारी ठाकरे गटाने सुरू केली आहे. या तयारीतही दोघांतील धुसफूस उफाळून येत असल्याने पक्षाचे निवडणुकीत काय होणार, या चिंतेने पदाधिकाऱ्यांच्या पोटात गोळा आला आहे.
आणखी महत्त्वाच्या बातम्या
Health News : जास्त वेळ बसण्याची सवय धूम्रपानाइतकीच हानिकारक
By City News Desk
संजयनगरात जुगार अड्ड्यावर पोलिसांचा छापा, ८ जण पकडले
By City News Desk
मुकुंदवाडीतील बेपत्ता युवकाचा मृतदेह विहिरीत आढळल्याने खळबळ
By City News Desk
Latest News
31 Aug 2025 16:38:00
पेटीएम वापरकर्त्यांना काळजी आहे की त्यांचे यूपीआय ३१ ऑगस्टपासून काम करणे थांबवू शकते. कारण गुगल प्लेने पाठवलेल्या एका नोटिफिकेशनमध्ये म्हटलेय...