पोहण्यासाठी तलावात उतरलेले दोन मित्र बुडाले, खुलताबाद तालुक्‍यातील दुर्दैवी घटना

On

खुलताबाद (सीएससीएन वृत्तसेवा) : सोनखेडा (ता. खुलताबाद) परिसरातील तलावात दोन मुलांचा बुडून मृत्यू झाला. ही घटना शनिवारी (३० ऑगस्ट) दुपारी ३ च्या सुमारास घडली. अनिकेत रमेश बनकर (वय १६, रा. देवळाणा बुद्रूक, ह. मु. घोडेगाव, ता. खुलताबाद) व आकाश रमेश गोरे (वय १६, रा. घोडेगाव) अशी मृत्‍यू झालेल्यांची नावे आहेत. दोघेही पोहण्यासाठी तलावात उतरले होते. पाण्याचा अंदाज न आल्याने बुडाले.

दोघेही घोडेगाव येथील सद्‌गुरू जनेश्वर माध्यमिक विद्यालयात दहावीत शिकत होते. जनावरे चारण्यासाठी घराबाहेर पडल्यानंतर सोनखेडा परिसरातील एका पाझर तलावाजवळ आले. पोहण्याचा मोह होऊन तलावात उतरले. मात्र दोघेही बुडाले. शेजारील गुरे चारणाऱ्या व्यक्तीच्या ही बाब लक्षात आल्यानंतर त्याने तातडीने घोडेगाव व सोनखेडा येथील ग्रामस्थांना कळवले. ग्रामस्थांनी तलावाकडे धाव घेतली. पट्टीच्या पोहणाऱ्यांनी तलावात उतरून बराच वेळ शोध घेतला व दोघांनाही पाण्याबाहेर काढले. अनिकेतची आई पतीपासून विभक्‍त राहत असल्याने तो आई व बहिणीसह मामाच्या गावी राहत होता. एकुलता एक मुलगा गेल्याने त्‍याच्या आईवर दुःखाचा डोंगर कोसळला आहे. अनिकेत आणि आकाश दोघेही चांगले मित्र होते. कायम सोबतच राहायचे.

आणखी महत्त्वाच्या बातम्या

वाळूज MIDC त हिट ॲन्‍ड रन : कामावरून घरी परतणाऱ्या तरुणाला आयशर वाहनाने उडवले, जागीच मृत्‍यू

Latest News

वाळूज MIDC त हिट ॲन्‍ड रन : कामावरून घरी परतणाऱ्या तरुणाला आयशर वाहनाने उडवले, जागीच मृत्‍यू वाळूज MIDC त हिट ॲन्‍ड रन : कामावरून घरी परतणाऱ्या तरुणाला आयशर वाहनाने उडवले, जागीच मृत्‍यू
छत्रपती संभाजीनगर (सीएससीएन वृत्तसेवा) : वाळूज एमआयडीसीतील जी सेक्टरमध्ये जे. के. कंपनीजवळ आयशर वाहनाने दुचाकीला उडवले. यात दुचाकीस्वाराचा जागीच मृत्‍यू...
छत्रपती संभाजीनगरहून पती दोंडाईचाला येऊन मला छळतो, जगणे असह्य केलेय, विवाहितेची सिडको MIDC पोलिसांत तक्रार
विजेच्या धक्क्याने १८ वर्षीय तरुणाचा मृत्‍यू, गंगापूर तालुक्‍यातील दुर्दैवी घटना
पंक्‍चर झालेल्या कारला मागून सुसाट पिकअपने उडवले, १ गंभीर, मुकुंदवाडीतील पीव्हीआरसमोरील घटना
Tech News : उद्या, १ सप्टेंबरपासून पेटीएम बंद होणार आहे का? फोनवर नोटिफिकेशन, सोशल मीडियावर प्रश्नांचा वर्षाव...
Copyright (c) Chhatrapati Sambhaji Nagar City News All Rights Reserved.
Powered By Vedanta Software