छत्रपती संभाजीनगर (सीएससीएन वृत्तसेवा) : ऑटोमोबाइल हब, ईव्ही हबनंतर आता छत्रपती संभाजीनगरची ओळख आयटी हब म्हणून व्हावी, अशी अपेक्षा ‘सीएमआयए’ला (चेंबर ऑफ मराठवाडा इंडस्ट्रीज अँड ॲग्रीकल्चर) लागली आहे. ऑरिक सिटीमध्ये स्वतंत्र आयटी पार्कची उभारणी व्हावी, यासाठी त्‍यांनी पुढाकार घेण्याचा निर्णय घेतला आहे.
छत्रपती संभाजीनगरमध्ये चार मध्यम स्तरावरील तसेच चाळीसहून अधिक लघु स्वरुपाच्या आयटी कंपन्या कार्यरत आहेत. त्यात सुमारे ५ हजार आयटी अभियंते काम करतात. शासनाने त्यांना स्वतंत्र आयटी पार्कसाठी जागा उपलब्ध करून द्यावी, आकर्षक प्रोत्साहन पॅकेज द्यावे, अशी मागणी सीएमआयएचे अध्यक्ष उत्सव माछर यांनी केली आहे. एक मोठा आयटी प्रकल्प आला तर इतरही कंपन्या आकर्षित होतील. शासनाने प्रोत्साहन द्यावे, अशी अपेक्षा सीएमआयएचे आयटी सेलप्रमुख प्रताप धोकटे यांनी व्यक्‍त केली.
1.jpg)
.jpg)
.jpg)
.jpg)
1.jpg)
.jpg)
