फुलंब्री (सीएससीएन वृत्तसेवा) : फुलंब्री तालुक्‍यातील टाकळी कोलते येथील २५ वर्षीय तरुणाचा मृतदेह फुलंब्री-राजूर रोडवर पाझर तलावाजवळ संशयास्पद स्थितीत आढळल्‍याने खळबळ उडाली आहे. शुक्रवारी (१ ऑगस्ट) पहाटे साडेबाराला (पहाटे) ही घटना समोर आली.
विशाल जनार्दन कोलते असे या तरुणाचे नाव आहे. गुरुवारी सायंकाळी पाचपर्यंत त्‍याने शेतात काम केले. नंतर तो बाहेर गेला. नंतर थेट त्‍याचा मृतदेहच दिसून आला. वडोद बाजार पोलिसांनी घटनास्थळी धाव घेतली. मृतदेह उत्तरीय तपासणीसाठी फुलंब्री ग्रामीण रुग्णालयात पाठवला. आकाशच्या अंगावर जखमा होत्‍या, त्‍यामुळे घात की अपघात, याबद्दल शंका-कुशंका व्यक्‍त होत आहेत. आकाशच्या पश्चात आई-वडील, दोन भाऊ आणि भावजयी असा परिवार आहे.
करोडी शिवारात विहिरीत पडून मजूराचा मृत्यू छत्रपती संभाजीनगर शहराजवळ, दौलताबाद पोलीस ठाण्याच्या हद्दीत करोडी येथे बाळू गोल्हार यांच्या शेतातील विहिरीत पडून शेतमजूराचा मृत्यू झाला. प्रभाकर छगन चव्हाण (वय ४१, रा. पाथ्री, ता. फुलंब्री, ह.मु. करोडी शिवार) असे या मजुराचे नाव आहे. प्रभाकर चव्हाण कुटुंबासह प्रभाकर चव्हाण यांच्या शेतात राहत होते. गुरुवारी (३१ जुलै) ते घरी कोणाला न सांगता निघून गेले. रात्रीही घरी परतले नाहीत. पत्नी व मुलाने शोध घेतला. मात्र ते मिळून आले नाहीत. शुक्रवारी (१ ऑगस्ट) सकाळी शेतातील विहिरीजवळ शर्ट व चप्पल घरच्यांना दिसली. दौलताबाद पोलिसांनी अग्‍निशमन दलाच्या मदतीने प्रभाकर चव्हाण यांचा मृतदेह बाहेर काढला. चव्हाण यांच्या पश्चात पत्नी, मुलगा, मुलगी, भाऊ असा परिवार आहे. ते विहिरीत पडले की आत्महत्या केली, याचा तपास केला जात आहे.
.jpg)
.jpg)
.jpg)
.jpg)
