छत्रपती संभाजीनगर (सीएससीएन वृत्तसेवा) : छत्रपती संभाजीनगर शहरात कुख्यात गुंड जमीर कैची याने दहशत निर्माण केली आहे. व्यापाऱ्यांना खंडणी मागतो, न दिल्यास दुकानाची तोडफोड करतो. किराडपुरा रोडवरील राममंदिरजवळील अदिबा मोबाइल शॉपची तोडफोड केल्यानंतर जिन्सी पोलिसांनी त्‍याच्याविरुद्ध गुन्हा दाखल केला आहे. त्‍याच्या हल्ल्यात व्यावसायिक जखमी झाला आहे. बुधवारी (३० जुलै) रात्री नऊच्या सुमारास ही घटना घडली.
जमील खान अफसर खान (वय ४३, रा. आझाद चौक, गल्ली नं.११) यांनी याप्रकरणात तक्रार दिली आहे. त्‍यांचे अदिबा मोबाइल शॉप आहे. ८ दिवसांपासून जमीर कैची त्यांना फोन करून पैशाची मागणी करत होता. जमील खान हे मोबाईल शॉपवर असताना जमीर कैची आला. सोबत त्‍याचा साथीदारही होता. पैसे का देत नाही, असे म्हणून जमीरने लोखंडी सळईने काऊंन्टर फोडले.
खान यांना शिवीगाळ करून तू पैसे दिले नाहीतर जीवे मारून टाकेन, अशी धमकी दिली. खान हे समजावून सांगत असताना जमीरने त्‍यांच्यावर सळईने डाव्या हाताच्या दंडावर मारून जखमी केले. खान यांनी जिन्सी पोलीस ठाण्यात धाव घेतली. पोलिसांनी तक्रार घेत उपचारासाठी घाटी रुग्णालयात पाठवले. अधिक तपास पोलीस अंमलदार महादेव शिरसाट करत आहेत. जमीर कैची हा सराईत गुन्हेगार असून, नागरिकांना धमकावून पैसे उकळतो. त्‍यातून नशा करतो. पैसे देण्यास नकार दिला, की मारहाण करून तोडफोड करतो.
.jpg)
.jpg)
.jpg)
.jpg)
.jpg)
