कन्नड (सीएससीएन वृत्तसेवा) : वासडी (ता. कन्नड) येथे शुक्रवारी (२५ जुलै) जावयाने सासरवाडीत येऊन राडा केला. पती-पत्नीत पटत नसल्याने पत्नी माहेरी आली होती. तरुणाने पत्नी व सासऱ्यावर कोयत्याने हल्ला केला. पत्नी ऐश्वर्या दीपक भुजंग (वय २४) हिच्या फिर्यादीवरून पती दीपक प्रभू भुजंग (वय २६, रा. चिंचोली लिंबाजी ता. कन्नड) याच्याविरुद्ध पिशोर पोलिसांनी गुन्हा दाखल केला आहे.
पती-पत्नीत किरकोळ घरगुती कारणाने वाद चालू असल्याने पत्नी तिच्या माहेरी वासडी (ता. कन्नड) येथे वडिलांकडे राहायला आली होती. शुक्रवारी दीपक वासडी येथे आला. मी तुला गोड लागत नाही का? बाहेर जाऊन आली काय?, असे म्हणून दीपकने पत्नीशी वाद घालायला सुरुवात केली. सासऱ्याने मध्यस्थी करण्याचा प्रयत्‍न केला असता जावई आणि सासऱ्यांतच भांडण पेटले. दीपकने हातात कोयता घेऊन पत्नीच्या डाव्या हातावर मारून दुखापत केली. सासऱ्याला जीवे मारण्याची धमकी देऊन मारहाण केली. अधिक तपास पोलीस अंमलदार पंढरीनाथ इंगळे करत आहेत.
.jpg)
.jpg)
.jpg)
.jpg)
