सिल्लोडजवळ भीषण अपघात : भरधाव टँकरने दुचाकीला उडवले, २ तरुणांचा जागीच मृत्यू, भराडी-घाटनांद्रा रस्त्यावरील दुर्घटना

By City News Desk

On 11 Feb 2026

सिल्लोडजवळ भीषण अपघात : भरधाव टँकरने दुचाकीला उडवले, २ तरुणांचा जागीच मृत्यू, भराडी-घाटनांद्रा रस्त्यावरील दुर्घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

सिल्लोड (मेट्रोपोलिस पोस्ट वृत्तसेवा) : भरधाव टँकरने दुचाकीला उडवले. यात दोन तरुणांचा जागीच मृत्यू झाला. ही दुर्दैवी घटना भराडी- घाटनांद्रा रस्त्यावर मंगळवारी (१० फेब्रुवारी) सायंकाळी घडली. ज्ञानेश्वर नारायण शेळके (वय ३८, रा. श्रीकृष्णनगर, सिल्लोड) आणि राहुल मधुकर दाभाडे (वय ३५, रा. जयभवानीनगर, सिल्लोड) अशी मृत्यू झालेल्या तरुणांची नावे आहेत.

ज्ञानेश्वर आणि राहुल हे दोघे मित्र एमएच २० एचजे १८७३ क्रमांकाच्या दुचाकीवरून भराडीहून सिल्लोडकडे निघाले होते. भराडीजवळील ऑरेंज हॉटेलजवळ पोहोचताच भरधाव टँकरने त्यांना उडवले. अपघात इतका भीषण होता की दोन्ही तरुण उंच उडून दूरवर फेकले गेले. दोघांचाही जागीच मृत्यू झाला. अपघातस्थळी धावलेल्या लोकांनी सिल्लोड ग्रामीण पोलिसांना कळवले. पोलिसांनी घटनास्थळी पोहोचून ज्ञानेश्वर आणि राहुल यांचे मृतदेह सिल्लोडच्या उपजिल्हा रुग्णालयात हलवले. तेथे प्रक्रिया पार पडल्यानंतर दोन्ही मृतदेह नातेवाइकांकडे सोपवण्यात आले. दुचाकीला धडक देणारा टँकर पळून गेला होता. पोलिसांनी पाठलाग करून हा टँकर आमठाणा येथे ताब्यात घेतला. ज्ञानेश्वर यांच्या पश्चात पत्नी, मुलगा, मुलगी तर राहुल यांच्या पश्चात पत्नी मुलगा, मुलगी असा परिवार आहे.