चुलतीने खिडकीतून डोकावले, समोरील दृश्य पाहून हादरली... फुलंब्रीच्या शिरोडीत घडली विदारक घटना

By City News Desk

On 12 Feb 2026

चुलतीने खिडकीतून डोकावले, समोरील दृश्य पाहून हादरली... फुलंब्रीच्या शिरोडीत घडली विदारक घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

फुलंब्री (मेट्रोपोलिस पोस्ट वृत्तसेवा) : शिरोडी (ता. फुलंब्री) येथे घरातील लोखंडी आड्यास पत्नीच्या साडीने गळफास घेऊन ३९ वर्षीय कृष्णा काकासाहेब साळुंके यांनी आत्महत्या केली. ही घटना बुधवारी (११ फेब्रुवारी) सकाळी समोर आली.

कृष्णा मंगळवारी (१० फेब्रुवारी) रात्री घरी एकटेच होते. पत्नी व मुलगा घरी नसल्याने जेवण करून झोपले. बुधवारी सकाळी बराच वेळ झाला तरी ते घरातून बाहेर न आल्याने चुलतीने दरवाजा ठोठावला. मात्र आतून प्रतिसाद मिळाला नाही. त्यांनी खिडकीतून आत डोकावले असता कृष्णा यांनी गळफास घेतल्याचे दिसले.

त्यांनी आरडाओरड केल्याने जमलेल्या नातेवाइक, ग्रामस्थांनी तत्काळ कृष्णा यांना बाजारसावंगी येथील प्राथमिक आरोग्य केंद्रात नेले. मात्र वैद्यकीय अधिकारी डॉ. निलोफर अंजुम यांनी तपासून मृत घोषित केले. उत्तरीय तपासणीनंतर मृतदेह नातेवाइकांच्या ताब्यात देण्यात आला. कृष्णा साळुंके यांच्या पश्चात पत्नी, मुलगा असा परिवार आहे. अधिक तपास बाजारसावंगी पोलीस चौकीचे पोलीस अंमलदार नवनाथ कोल्हे, संजय सपकाळ, दिलीप बनसोड व संतोष भालेराव करत आहेत. कृष्णा यांच्या आत्‍महत्‍येचे कारण समोर आलेले नाही.