सिडको बसस्थानकाची सुरक्षा वाऱ्यावर... चोऱ्या वाढल्या, गैरप्रकार वाढले तरी पोलिसांचे दुर्लक्ष, पोलीस चौकी असते सतत बंद, आता महिलेचे मंगळसूत्र गेले...

By City News Desk

On 12 Feb 2026

सिडको बसस्थानकाची सुरक्षा वाऱ्यावर... चोऱ्या वाढल्या, गैरप्रकार वाढले तरी पोलिसांचे दुर्लक्ष, पोलीस चौकी असते सतत बंद, आता महिलेचे मंगळसूत्र गेले...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : सिडको बसस्थानकाची सुरक्षा वाऱ्यावर असल्याचे चित्र आहे. सतत चोऱ्या, गैरप्रकार घडत असतात. मात्र याकडे पोलिसांचे दुर्लक्ष होत आहे. बसस्थानकावरील पोलीस चौकी तर कायम बंद असते. त्यामुळे एखादी घटना घडली तरी, पोलीस येईपर्यंत बराच वेळ जातो. आज, १२ फेब्रुवारीला सकाळी ९ च्या सुमारास एका महिलेची ५ ग्रॅम सोन्याची पोत चोरीला गेली. या महिलेने सिडको एमआयडीसी पोलीस ठाण्यात तक्रार केली आहे.

कुशवर्ता शेषराव साळवे (वय ५५, रा. खंडाळा मकरध्वज, ता. चिखली, जि. बुलडाणा) यांनी तक्रारीत म्हटले आहे, की कुशवर्ता बाई या छत्रपती संभाजीनगरला नातेवाइकाकडे आल्या होत्या. एसटी बसने घरी परत जाण्यासाठी त्या सिडको बसस्थानकावर आल्या. बसमध्ये चढत चढताना गर्दीचा फायदा घेऊन चोरट्यांची त्यांची पोतच तोडून पसार झाला. सिडको बसस्थानकात सातत्याने चोरीच्या घटना घडत आहेत, मात्र पोलीस दुर्लक्ष करत आहेत. एसटी महामंडळाने तर सुरक्षा व्यवस्थाच केलेली नाही. बसस्थानकावर नशेखोरांचा अड्डा बनला आहे. याकडे पोलिसांनी लक्ष घालून पोलीस चौकीत कायमस्वरुपी पोलीस तैनात करावेत, अशी मागणी प्रवाशांकडून होत आहे.