सातारा पोलिसांची मोठी कामगिरी : ६ लाखांचा गांजा साठा जप्त, तस्कराच्या मुसक्या आवळल्या, साथीदार फरारी

On

छत्रपती संभाजीनगर (सीएससीएन वृत्तसेवा) : छत्रपती संभाजीनगर शहरातील सातारा गाव आणि पैठण तालुक्‍यातील गेवराई बुद्रूकमध्ये सातारा पोलिसांनी मोठी कारवाई करत सहा लाख रुपयांचा गांजाचा साठा जप्त केला आहे. एकाला अटक केली असून, त्‍याचा साथीदार पसार झाला आहे. ही कारवाई शुक्रवारी (२९ ऑगस्ट) सायंकाळी करण्यात आली.

वरिष्ठ पोलीस निरीक्षक कृष्णाचंद्र शिंदे यांना गुप्त बातमीदारामार्फत माहिती मिळाली, की एक व्यक्‍ती सातारा गावातील होळकर चौकात गांजा विक्रीसाठी येणार आहे. पोलिसांनी लगेचच सापळा लावून लहू कडुबा मोरे (वय २५, रा. सिंदोण, ता. छत्रपती संभाजीनगर) याला पकडले. त्याच्याकडून मोटारसायकल आणि ३८५ ग्रॅम वजनाचा गांजा जप्त केला. चौकशीत त्याने पैठण तालुक्यातील गेवराई बुद्रूकमध्ये गांजाचा मोठा साठा लपवून ठेवल्याचे सांगितले. पोलिसांनी लगेचच गेवराई बुद्रूककडे मोर्चा वळवला.

तिथे छापा मारून दोन गोणी गांजा जप्त केला. परमेश्वरानंद ऊर्फ गोट्या दहिहांडे याच्याकडेही गांजाचा साठा असल्याचे लहू मोरेने सांगितले. दहिहांडे हा महाराज बनून गांजाचे पिक गेवराई बुद्रूकच्या डोंगरावर घेत होता. तेथेच जनावरांना पाळून सेंद्रीय खताची निर्मिती करून विकायचा. पोलिसांनी तिथून दोन गोणी गांजा जप्त केला. मात्र दहिहांडे मिळून आला नाही. कारवाईत एकूण ५ लाख ९२ हजार ०८० रुपयांचा २९ किलो गांजा जप्त करण्यात आला आहे. मोरेकडून १५ हजारांची दुचाकीही जप्त करण्यात आली. लहू मोरे आणि गोट्या दहिहांडेविरुद्ध सातारा पोलीस ठाण्यात गुन्हा दाखल करण्यात आला आहे. तपास सहायक पोलीस निरीक्षक शैलेश देशमुख करत आहेत.

या गुन्ह्यात संशयितांकडून आणखी अंमलीपदार्थाचा साठा आणि उत्पादनाचे ठिकाण कळून येण्याची शक्यता पोलिसांनी वर्तवली. ही कारवाई पोलीस आयुक्‍त प्रवीण पवार, पोलीस उपायुक्‍त प्रशांत स्वामी, सहायक पोलीस आयुक्‍त मनिष कल्याणकर यांच्या मार्गदर्शनाखाली वरिष्ठ पोलीस निरीक्षक कृष्णा शिंदे, सहायक पोलीस निरीक्षक शैलेश देशमुख, गोविंद एकिलवाले, निर्मला राख, दिलीप बचाटे, पोलीस उपनिरीक्षक नंदकुमार भंडारे, सहायक पोलीस उपनिरीक्षक अण्णासाहेब सातदिवे, पोलीस अंमलदार जगदिश खंडाळकर, दिगंबर राठोड, महेश गोले, पोलीस अंमलदार पुरषोत्तम दायमा, सुनिल बेलकर, हमीद पठाण, दीपक शिंदे, दिनेश भुरेवाल, संदीप चिंचोले, सुनिल पवार, गंगाधर धनवटे, चालक पोलीस अंमलदार अविनाश कवाळे यांनी केली.

 

आणखी महत्त्वाच्या बातम्या

Tech News : उद्या, १ सप्टेंबरपासून पेटीएम बंद होणार आहे का? फोनवर नोटिफिकेशन, सोशल मीडियावर प्रश्नांचा वर्षाव...

Latest News

Tech News : उद्या, १ सप्टेंबरपासून पेटीएम बंद होणार आहे का? फोनवर नोटिफिकेशन, सोशल मीडियावर प्रश्नांचा वर्षाव... Tech News : उद्या, १ सप्टेंबरपासून पेटीएम बंद होणार आहे का? फोनवर नोटिफिकेशन, सोशल मीडियावर प्रश्नांचा वर्षाव...
पेटीएम वापरकर्त्यांना काळजी आहे की त्यांचे यूपीआय ३१ ऑगस्टपासून काम करणे थांबवू शकते. कारण गुगल प्लेने पाठवलेल्या एका नोटिफिकेशनमध्ये म्हटलेय...
Health News : जास्त वेळ बसण्याची सवय धूम्रपानाइतकीच हानिकारक
विशेष मुलाखतीत पल्लवी जोशी स्पष्टच बोलल्या : समस्या आपल्या आत आहेत, त्यात सुधारणा होणे गरजेचे, आपण वर्णद्वेषी अन्‌ लैंगिकतावादी!
संजयनगरात जुगार अड्ड्यावर पोलिसांचा छापा, ८ जण पकडले
स्कुटीने शाळेत आली, स्कुटी पार्क केली नंतर गायब झाली दहावीत शिकणारी मुलगी!; केंब्रिज चौकाजवळील घटना
Copyright (c) Chhatrapati Sambhaji Nagar City News All Rights Reserved.
Powered By Vedanta Software