शहरात धूमस्टाइल मोबाइल चोर सक्रीय... आकाशवाणी चौकाजवळ पायी जाणाऱ्याचा मोबाइल हिसकावून दुचाकीवरून सुसाट गायब...

By City News Desk

On 23 Feb 2026

शहरात धूमस्टाइल मोबाइल चोर सक्रीय... आकाशवाणी चौकाजवळ पायी जाणाऱ्याचा मोबाइल हिसकावून दुचाकीवरून सुसाट गायब...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : छत्रपती संभाजीनगर शहरात दुचाकीवरून येत मोबाइल हिसकावून धूम ठोकणारे चोरटे सक्रीय झाले आहेत. आकाशवाणी चौकाजवळ एका २९ वर्षीय बँक कर्मचाऱ्याचा मोबाइल हिसकावून दुचाकीवरून दोन चोरटे काही मिनिटांत गायब झाले. ही घटना रविवारी (२२ फेब्रुवारी) रात्री पावणेनऊच्या सुमारास घडली. जिन्सी पोलिसांनी २ चोरट्यांविरुद्ध गुन्हा दाखल केला आहे.

ऋषिकेश राजेश निकम (वय २९, रा. संजयनगर, बायजीपुरा, छत्रपती संभाजीनगर) यांनी या प्रकरणात तक्रार दिली आहे. ते आई, वडील व मोठ्या भावासह राहतात. आयडीएफसी बँकेत नोकरी करतात. ऋषिकेश जेवण करून फिरण्यासाठी बाहेर गेले होते. आकाशवाणी चौकाकडून तोतला हॉस्पिटलच्या रोडने फिरत असताना काबरा हॉस्पिटलसमोर मागून दोघे मोटारसायकलीवरून आले. ऋषिकेश हे मोबाइलवर बोलत असताना मोटारसायकलीवर मागे बसलेल्याने त्यांच्या हातातील १५ हजार रुपयांचा मोबाइल हिसकावला आणि दोघे मोटारसायकलीवरून पळून गेले. त्यांच्या मोटारसायकलीची नंबर प्लेटही खोडलेली दिसली. मोटारसायकल चालवणाऱ्याचा चेहरा दिसला नाही. मागे बसलेल्याचे केस वाढलेले व अंगात काळा शर्ट दिसला. ऋषिकेश हे आरडाओरड करेपर्यंत ते अॅपेक्स हॉस्पिटलच्या दिशेने पळून गेले. अधिक तपास सहायक पोलीस उपनिरीक्षक उपेंद्र कुतुर करत आहेत.