Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : ऊस तोडीसाठी बैल घेऊन जाणाऱ्या ट्रकला अडवून चालकासह चौघांना बेदम मारहाण करण्यात आल्याची घटना वाळूज एमआयडीसीतील पंढरपुरात शनिवारी (२१ फेब्रुवारी) रात्री ११ च्या सुमारास घडली.
एमएच २० जीसी २९१४ क्रमांकाच्या आयशर ट्रकमधून १६ बैल अहिल्यानगर येथून कन्नड तालुक्यातील हतनूर येथे नेण्यात येत होते. पंढरपूर येथील अब्बास ट्रान्सपोर्टसमोर काही जणांनी ट्रक अडवला. बैल कत्तलीसाठी नेले जात असल्याच्या संशयावरून चालक अब्बास सय्यद (वय २५, रा. हतनूर) याच्यासह अन्य चार जणांना खाली उतरवून मारहाण करण्यात आल्याचा आरोप आहे. मारहाणीत पाचही जण जखमी झाले. त्यांनी तत्काळ वाळूज एमआयडीसी पोलीस ठाण्यात धाव घेत तक्रार दिली. पोलिसांनी नोंद करून जखमींना वैद्यकीय तपासणीसाठी घाटी रुग्णालयात पाठवले. मारहाण करणाऱ्यांची नावे अद्याप समोर आलेली नाहीत, त्यांची ओळख पटवली जात आहे.
.jpg)
