Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : रस्त्याने मेंढ्या घेऊन जात असताना भरधाव वाहनाने दिलेल्या धडकेत सहा मेंढ्यांचा मृत्यू झाला. ही घटना वाळूज एमआयडीसीतील तिसगाव परिसरात ग्रँड सरोवर हॉटेलजवळ शनिवारी (२१ फेब्रुवारी) सायंकाळी सहाच्या सुमारास घडली. मेंढपाळाचे ४५ हजार रुपयांचे नुकसान झाले आहे. वाहनचालक वाहनासह पसार झाला आहे.
मिळालेल्या माहितीनुसार, नारायण रामलाल कुकलारे (वय ५५, रा. गट क्रमांक २२५/८, तिसगाव) हे मेंढ्या घेऊन घराकडे जात होते. ग्रँड सरोवर हॉटेलच्या बाजूने भरधाव आलेल्या वाहनाने मेंढ्यांच्या कळपाला जोरात धडक दिली. प्रत्यक्षदर्शींनी दिलेल्या माहितीनुसार, वाहनाचा क्रमांक MH20 DJ8304 असून ते क्रेटा (Hyundai Creta) प्रकारातील असल्याचे सांगितले जात आहे. घटनेची माहिती मिळताच एमआयडीसी वाळूज ११२ बिट मार्शलचे अंमलदार सुहास मुंडे व श्री. निकम तात्काळ घटनास्थळी दाखल झाले. पंचनामा करून पुढील कारवाई सुरू करण्यात आली आहे. या घटनेमुळे मेंढपाळ कुकलारे यांचे मोठे आर्थिक नुकसान झाले असून कुटुंबावर संकट कोसळले आहे. पोलिसांकडून वाहनचालकाचा शोध घेण्याचे प्रयत्न सुरू असून परिसरातील सीसीटीव्ही फूटेज तपासले जात आहेत.
.jpg)
.jpg)
