छत्रपती संभाजीनगरच्या ड्रग्ज रॅकेटमध्ये २८ वर्षीय तरुणीचा सहभाग, हिशेब सांभाळायची... पैसे तिच्याच खात्यावर, ड्रग्ज माफियाची विश्वासू मैत्रीण...

By City News Desk

On 13 Feb 2026

छत्रपती संभाजीनगरच्या ड्रग्ज रॅकेटमध्ये २८ वर्षीय तरुणीचा सहभाग, हिशेब सांभाळायची... पैसे तिच्याच खात्यावर, ड्रग्ज माफियाची विश्वासू मैत्रीण...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : ड्रग्ज माफिया अश्पाक शेख इसाक (रा. रवींद्रनगर, शहाबाजार) याची मैत्रीण इशरत अकिब शेख (वय २८, रा. रवींद्रनगर, शहाबाजार) हिला शहर गुन्हे शाखेने अटक केली आहे. अशफाकचे साथीदार तिच्या बँक खात्यावर पैसे पाठवत होते. पोलिसांनी तिच्या ३ बँक खात्यांसह यापूर्वी अटक केलेल्या ८ ड्रग्ज एजंटांचीही बँक खाती गोठवली आहेत. अश्पाक अजूनही पोलिसांच्या हाती लागलेला नाही.

गेल्या १७ दिवसांत पोलिसांनी एकूण १६ ड्रग्ज एजंट्‌सना अटक केली असून, त्यातील ८ जणांकडून पैसे इशरतच्या खात्यांवर यायचे. तिने ३ बँक खाती उघडली होती. तिच्या खात्यांत दीड लाख रुपये आढळले. ड्रग्ज रॅकेटविरुद्ध शहर गुन्हे शाखेने २५ जानेवारी ते ७ फेब्रुवारी दरम्यान ५ प्रमुख कारवाया केल्या. यात नशेच्या औषधांच्या ४७ लाख २० हजार रुपयांच्या ११ हजार ७९९ बाटल्या तर ४ लाख ४४ हजार रुपयांचे ७५ ग्रॅम एमडी ड्रग्ज जप्त केले आहे. अटक केलेल्या १६ जणांकडून एकूण ४६ पेडलर्सची यादी तयार करण्यात आली. पेडलर्स शहर सोडून पसार झाले असले तरी त्यांच्या घरावरही पाळत ठेवली जात आहे.

कोण आहे इशरत?
इशरतच्या पतीचे दोन वर्षांपूर्वी निधन झाले असून तिला तीन अपत्ये आहेत. रवींद्रनगरमध्ये ती भावासोबत राहते. अश्पाकशी तिचा जुना परिचय आहे. अशफाकच्या सांगण्यावरून ती ड्रग्जचे सर्व खरेदी- विक्रीचे आर्थिक व्यवहार सांभाळत असल्याचा संशय आहे. गेल्या दीड महिन्यात तिच्यात व अशफाकमध्ये ३८३ कॉलद्वारे संपर्क झाला असून, बहुतांश वेळी ते व्हॉट्सअॅप कॉलचा वापर करत होते.