पारदेश्वर मंदिरात दर्शन घेऊन घरी येताना वृद्धाला दुचाकीने उडवले, जागीच मृत्‍यू

By City News Desk

On 29 Jun 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : पारदेश्वर मंदिरात दर्शन घेऊन घराकडे पायी परतणाऱ्या ६१ वर्षीय वृद्धाला भरधाव दुचाकीने उडवले. यात वृद्धाचा मृत्यू झाला. ही घटना शुक्रवारी (२८ जून) सकाळी पळशी शिवारातील पारदेश्वर मंदिर परिसरात घडली. देविदास बाजीराव मगर (ह.मु. पिसादेवी परिसर, मूळगाव निल्लोड, ता. सिल्लोड) असे मृत्‍यू झालेल्या वृद्धाचे नाव आहे. ते नियमितपणे सकाळी मंदिरात दर्शनाला […]

छत्रपती संभाजीनगर (सीएससीएन वृत्तसेवा) : पारदेश्वर मंदिरात दर्शन घेऊन घराकडे पायी परतणाऱ्या ६१ वर्षीय वृद्धाला भरधाव दुचाकीने उडवले. यात वृद्धाचा मृत्यू झाला. ही घटना शुक्रवारी (२८ जून) सकाळी पळशी शिवारातील पारदेश्वर मंदिर परिसरात घडली.

देविदास बाजीराव मगर (ह.मु. पिसादेवी परिसर, मूळगाव निल्लोड, ता. सिल्लोड) असे मृत्‍यू झालेल्या वृद्धाचे नाव आहे. ते नियमितपणे सकाळी मंदिरात दर्शनाला येत होते. त्यांना मूलबाळ नसल्याने पिसादेवी परिसरातील पुतणे कैलास मगर यांच्याकडे राहत होते. दर्शन घेऊन परतताना दुचाकीने धडक दिल्याने त्यांच्या डोक्याला जबर मार लागला. नातेवाईक व नागरिकांनी तत्काळ घाटी रुग्णालयात दाखल केले. मात्र, डॉक्टरांनी त्यांना तपासून मृत घोषित केले. याप्रकरणी चिकलठाणा पोलिसांनी गुन्हा दाखल केला आहे. तपास सहायक पोलीस निरीक्षक समाधान पवार करत आहेत.