कपडे बॅगमध्ये भरून १४ वर्षीय मुलीने सोडले घर!; हनुमाननगरची घटना

By City News Desk

On 07 Jun 2025

कपडे बॅगमध्ये भरून १४ वर्षीय मुलीने सोडले घर!; हनुमाननगरची घटना

छत्रपती संभाजीनगर (सीएससीएन वृत्तसेवा) : कपडे बॅगेत भरून मुलगी घर सोडून निघून गेल्याची घटना हनुमाननगरात समोर आली आहे. तिच्या अपहरणाची तक्रार पुंडलिकनगर पोलीस ठाण्यात करण्यात आली आहे. पोलिसांनी अज्ञात व्यक्‍तीविरुद्ध गुन्हा दाखल करून मुलीचा शोध सुरू केला आहे. ३६ वर्षीय महिलेने या प्रकरणात तक्रार दिली आहे. त्‍या हनुमाननगरात किरायाने राहतात. त्यांना १४ वर्षांची मुलगी आहे. […]

छत्रपती संभाजीनगर (सीएससीएन वृत्तसेवा) : कपडे बॅगेत भरून मुलगी घर सोडून निघून गेल्याची घटना हनुमाननगरात समोर आली आहे. तिच्या अपहरणाची तक्रार पुंडलिकनगर पोलीस ठाण्यात करण्यात आली आहे. पोलिसांनी अज्ञात व्यक्‍तीविरुद्ध गुन्हा दाखल करून मुलीचा शोध सुरू केला आहे.

३६ वर्षीय महिलेने या प्रकरणात तक्रार दिली आहे. त्‍या हनुमाननगरात किरायाने राहतात. त्यांना १४ वर्षांची मुलगी आहे. मंगळवारी (३ जून) दुपारी अडीचला महिला, तिच्या ओळखीचा एक व्यक्‍ती आणि मुलगी असे तिघे घरात असताना मुलगी वापरण्याचे कपडे बॅगेत भरून घरातून निघून गेली. त्यानंतर ती परत आली नाही. महिलेने नातेवाइकांना कॉल करून विचारपूस केली असता त्‍यांच्याकडेही मुलगी गेली नव्हती. तिचे कुणीतरी अपहरण केल्याची खात्री महिलेला झाली. तिने पुंडलिकनगर पोलीस ठाण्यात धाव घेऊन मुलीच्या अपहरणाची तक्रार नोंदवली. अधिक तपास पोलीस उपनिरीक्षक वर्षा काळे करत आहेत.