समृद्धी महामार्गाच्या सावंगी टोलनाक्‍यावर गोळीबार!; एक कर्मचारी गंभीर जखमी

By City News Desk

On 12 Jul 2025

समृद्धी महामार्गाच्या सावंगी टोलनाक्‍यावर गोळीबार!; एक कर्मचारी गंभीर जखमी

छत्रपती संभाजीनगर (सीएससीएन वृत्तसेवा) : समृद्धी महामार्गाच्या सावंगी (ता. छत्रपती संभाजीनगर) येथील टोलनाक्‍यावर शुक्रवारी (११ जुलै) रात्री नऊला गोळीबार झाला. दोन कर्मचाऱ्यांत झटापट होऊन अचानक पिस्तूलमधून गोळी एका कर्मचाऱ्याच्या पोटात घुसली. तो गंभीर जखमी झाला. त्‍याला छत्रपती संभाजीनगरच्या घाटी रुग्णालयात दाखल केले आहे. भरत घाटगे (वय २७) असे त्‍याचे नाव समोर येत आहेत. फुलंब्री पोलिसांनी […]

छत्रपती संभाजीनगर (सीएससीएन वृत्तसेवा) : समृद्धी महामार्गाच्या सावंगी (ता. छत्रपती संभाजीनगर) येथील टोलनाक्‍यावर शुक्रवारी (११ जुलै) रात्री नऊला गोळीबार झाला. दोन कर्मचाऱ्यांत झटापट होऊन अचानक पिस्तूलमधून गोळी एका कर्मचाऱ्याच्या पोटात घुसली. तो गंभीर जखमी झाला. त्‍याला छत्रपती संभाजीनगरच्या घाटी रुग्णालयात दाखल केले आहे. भरत घाटगे (वय २७) असे त्‍याचे नाव समोर येत आहेत. फुलंब्री पोलिसांनी रात्री उशिरा घटनास्‍थळी धाव घेऊन चौकशी सुरू केली आहे.

करण भालेराव (वय २८) असे दुसऱ्या कर्मचाऱ्याचे नाव असून, तो गोळीबारानंतर तो पिस्‍तुल घेऊन पळून गेला आहे. पोलिसांची दोन पथके त्‍याचा शोध घेत आहेत. भरत घाटगे व करण भालेराव हे टोलनाक्‍यावर वाहन सोडण्याचे काम करतात. टोलनाक्याशेजारी कर्मचाऱ्यांसाठी एक खोली असून, शुक्रवारी रात्री नऊच्या सुमारास दोघे खोलीत होते. अनधिकृत पिस्‍तुलाशी खेळत होते. अचानक दोघांत झटापट सुरू झाली. या झटापटीत गोळी सुटून घाटगेच्या पोटात घुसली. मोठा आवाज झाल्याने इतर कर्मचारी धावून आले. त्यांनी भरतला तत्‍काळ घाटी रुग्णालयात नेले. फुलंब्री पोलिसांना कळवताच पोलीस निरीक्षक संजय सहाणे सहकाऱ्यांसह टोलनाक्‍यावर आले. तोपर्यंत करण पिस्‍तुल घेऊन पसार झाला होता. पोलिसांनी कर्मचाऱ्यांची चौकशी करून घटनाक्रम जाणून घेतला. दरम्‍यान, कर्मचाऱ्यांना टोलनाक्‍याच्या अधिकाऱ्यांनी पिस्‍तुल दिलेले नव्हते, त्‍यामुळे दोघेही अनधिकृत पिस्‍तुल बाळगत होते, हे समोर येत आहेत. करणच्या अटकेनंतर आणि भरतच्या जबाबानंतरच पिस्‍तुलाचा उलगडा होऊ शकणार आहे.