‘सहर शेखचं विधान जुमला, ती अजून लहान, राजकारण कळत नाही...’ रशीद मामूंनी टोचले कान!

By City News Desk

On 27 Jan 2026

‘सहर शेखचं विधान जुमला, ती अजून लहान, राजकारण कळत नाही...’ रशीद मामूंनी टोचले कान!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : महाराष्ट्र हिरवा करू, असे आक्षेपार्ह वक्‍तव्‍य करणाऱ्या मुंब्रा येथील एमआयएमच्या नगरसेविका सहर शेख यांचे कान ठाकरे गटाचे नगरसेवक, माजी महापौर रशीद मामू यांनी टोचले. ती अजून लहान मुलगी असून, तिला राजकारण कळत नाही. तिचं विधान केवळ एक जुमला आहे, अशा शब्दांत त्यांनी फटकारले.

रशीद मामू म्हणाले, की हे समजून घ्यायला हवं, की इस्लामचा रंग हिरवा नसून पांढरा आहे. भगवा हिंदूंचा आणि हिरवा मुस्लिमांचा अशी विभागणी करणे दुर्दैवी बाब आहे. राजकारण्यांनी अशा प्रकारे रंगांमध्ये समाज वाटू नये. इम्तियाज जलील हे स्वतःच्या शहरात ‘हिरवे करू' असे बोलत नाहीत पण मुंब्र्यात जाऊन अशी विधाने करतात. नितेश राणे यांच्या वक्तव्याचा दाखला देऊन जलील असे बोलत असतील तर चुकीचं आहे. समोरचा दारू पिणारा असेल तर आपणही दारू प्यायची का? समोरचा चुकीचा वागत असेल तर आपणही चुकीचेच वागायचं का, असा सवाल त्यांनी जलील यांना केला. सहर शेख यांना सल्ला देताना रशीद मामू म्हणाले की, आजच्या पिढीने शिक्षण, रोजगार आणि आरक्षणाच्या मुद्द्यावर बोलायला हवे. लोकप्रतिनिधी म्हणून तुम्हाला सर्वांना सोबत घेऊन चालावे लागेल. सहर शेख यांना भेटलो तर नक्कीच समजून सांगे, की विचार करून बोलायला हवे, असे ते म्हणाले.