इतकी मस्ती असेल तर पाकिस्तानात जा... मंत्री शिरसाटांनी जलील यांना खडसावले!

By City News Desk

On 26 Jan 2026

इतकी मस्ती असेल तर पाकिस्तानात जा... मंत्री शिरसाटांनी जलील यांना खडसावले!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : छत्रपती संभाजीनगर महापालिका निवडणुकीत शिवसेनेला अपयश आले, त्याची भरपाई आम्ही जिल्हा परिषदेच्या निवडणुकीत मोठे यश मिळवून करणार असून, निकालानंतर सर्वत्र शिवसेना पाहायला मिळेल, असा आशावाद मंत्री संजय शिरसाट यांनी रविवारी (२५ जानेवारी) पत्रकारांशी बोलताना व्यक्त केला. पूर्ण राज्य हिरवे करण्याचे वक्‍तव्‍य एमआयएम प्रदेशाध्यक्ष इम्तियाज जलील यांनी केले होते. त्यावर बोलताना शिरसाट यांनी जलील यांच्यावर कठोर टीका केली. ते म्हणाले, की जलील हे निजामाचे पूर्वज असून, राज्यात अशांतता कशी पसरेल हेच त्यांचे लक्ष्य आहे. मुंब्रा येथील नगरसेविकेने तिच्या वक्तव्याबद्दल माफी मागितली असताना जलील यांनी तिथे जाऊन आगीत तेल ओतले, असे ते म्हणाले.

इतकी मस्ती असेल तर पाकिस्तानात जा. येथे द्वेष पसरवू नका. याचे परिणाम तुम्हाला भोगावे लागतील, असा इशारा मंत्री शिरसाट यांनी, खासदार, आमदारकीच्या निवडणुकीत आपण पराभूत झालो आहोत हे लक्षात ठेवावे, अस टोलाही जलील यांना लगावला. भाजपवर टीका करताना शिरसाट म्हणाले, की काही ठिकाणी भाजपने घाणेरडे राजकारण केले आहे. त्याचे परिणाम चांगले होणार नाहीत, असा इशारा त्यांनी दिला. अलीकडेच ठाकरे गटातून भाजपात गेलेल्या पैठणच्या दत्ता गोर्डेंबद्दल ते म्हणाले, की दत्ता गोर्डे आमचे विरोधक उमेदवार आहेत. विधानसभा, नगराध्यक्षपदाच्या निवडणुकीत आम्ही पराभव केला आहे. जिल्हा परिषद निवडणुकीतही त्यांना पराभवाचे तोंड दाखवू.