रात्रभर मदतीसाठी प्रतीक्षा, अखेर अपघातग्रस्त युवकाने सोडले प्राण!‌, सकाळी ग्रामस्थांना दिसला मृतदेह, सिल्लोड तालुक्‍यातील दुर्दैवी घटना

By City News Desk

On 26 Sep 2025

रात्रभर मदतीसाठी प्रतीक्षा, अखेर अपघातग्रस्त युवकाने सोडले प्राण!‌, सकाळी ग्रामस्थांना दिसला मृतदेह, सिल्लोड तालुक्‍यातील दुर्दैवी घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

सिल्लोड (मेट्रोपोलिस पोस्ट वृत्तपत्राच्या सौजन्याने) : दुचाकी घसरून ३४ वर्षीय युवकाचा दुर्दैवी मृत्यू झाला. ही घटना सिल्लोड तालुक्यातील बाळापूर ते मुखपाठ रस्त्यावर बुधवारी (२४ सप्टेंबर) रात्री १२ वाजता घडली. सागर भास्कर सूर्यवंशी (रा. मुखपाठ, ता. सिल्लोड) असे मृत्‍यू झालेल्याचे नाव आहे.

सागर बुधवारी रात्री दुचाकीने बाळापूरहून घरी मुखपाठला जात होते. खड्ड्यात त्यांची दुचाकी आदळली. ते दुचाकीवरून पडून डोक्याला मार लागला. गुरुवारी (२५ सप्टेंबर) सकाळी ग्रामस्थांनी त्यांना गंभीर जखमी अवस्थेत पाहिले. ग्रामस्थांनी त्यांना अजिंठा ग्रामीण रुग्णालयात आणले. मात्र डॉक्टरांनी तपासून त्यांना मृत घोषित केले.

गुरुवारी दुपारी १२ वाजता त्यांच्या पार्थिवावर अंत्यसंस्कार करण्यात आले. त्यांच्या पश्चात आई-वडील, पत्नी, दोन मुले असा परिवार आहे. या प्रकरणी अजिंठा पोलिसांनी आकस्मिक मृत्यूची नोंद केली आहे. अधिक तपास पोलीस अंमलदार संतोष पाईकराव करीत आहेत. वेळेत मदत मिळाली असती तर सागर यांचे प्राण वाचू शकले असते. रात्रभर ते गंभीर जखमी अवस्थेत मदतीची वाट पाहत होते. अखेर त्‍यांना मृत्‍यूने गाठले.