कंडोम पॅकिंग मशीन देण्याच्या आमिषाने साडेपाच लाखांचा गंडा!; वाळूज MIDC तील घटना

By City News Desk

On 10 Mar 2026

कंडोम पॅकिंग मशीन देण्याच्या आमिषाने साडेपाच लाखांचा गंडा!; वाळूज MIDC तील घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : वाळूज एमआयडीसीतील कंडोम उत्पादन करणाऱ्या कंपनीला कंडोम पॅकिंग मशीन देण्याचे आमिष दाखवून तब्बल ५ लाख ५० हजारांनी गंडा घालण्यात आल्याचा प्रकार समोर आला आहे. कंपनीचे जनरल मॅनेजर सचिन कुलकर्णी यांच्या तक्रारीवरून सोमवारी (९ मार्च) वाळूज एमआयडीसी पोलिसांनी अहमदाबाद येथील कृष्णम फार्मा मशिनरी कंपनीचे संचालक आदित्य पांचाल व नितीन पांचाल यांच्याविरुद्ध फसवणुकीचा गुन्हा दाखल केला आहे.

कुलकर्णी यांच्या तक्रारीनुसार, अहमदाबाद येथील एक कंपनी कंडोम पॅकिंगसाठी मशीन तयार करत असल्याची माहिती त्यांना मिळाली. आदित्य पांचाल व नितीन पांचाल यांच्याशी संपर्क साधला असता आदित्यने दोन वेळा वाळूज एमआयडीसीत येऊन मशिनची माहिती दिली. त्याने ११ लाख ५० हजार रुपयांचे कोटेशन पाठवले. चर्चेनंतर मशीनची किंमत कमी करून ११ लाख रुपये वा डिफॉइलिंग मशीनची किंमत ७५ हजार रुपये ठरली. कुलकर्णी यांनी यापैकी साडेपाच लाख रुपये ॲडव्हान्स पाठवले. मात्र मशीन न मिळाल्याने वारंवार फोन व ई-मेलद्वारे संपर्क साधला. मशीन न देता रक्कमही परत न केल्याने फसवणूक झाल्याचे लक्षात आल्यावर कुलकर्णी यांनी पोलिसांत धाव घेतली.