Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
गंगापूर (मेट्रोपोलिस पोस्ट वृत्तसेवा) : गर्भवती विवाहितेने राहत्या घरात गळफास घेऊन आत्महत्या केल्याने गंगापूर शहरातील माउलीनगर परिसरात खळबळ उडाली आहे. रविवारी (७ डिसेंबर) रात्री ९ च्या सुमारास ही घटना समोर आली. पूजा अमित सवई (वय ३०) असे विवाहितेचे नाव आहे. दरम्यान, छत्रपती संभाजीनगर शहरातील हर्सूल भागातही दोन तरुणांनी आत्महत्या केल्याच्या घटना समोर आल्या आहेत.
पूजा यांचे पती अमित पंचायत समितीत कनिष्ठ अभियंता आहेत. हे दाम्पत्य माउलीनगरात राहत होते. अमित किराणा सामान आणण्यासाठी बाहेर गेले असता पूजा यांनी गळफास घेतला. रात्री ९ अमित हे घरी परतले. त्यांनी आवाज देऊनही आतून प्रतिसाद न मिळत नसल्याने त्यांनी पोलिसांना कळवले. घटनास्थळी धाव घेऊन पोलिसांनी बेडरूमचा दरवाजा तोडला. पूजा यांनी ओढणीने पंख्याला गळफास घेतल्याचे दिसले. त्यांना तत्काळ गंगापूरच्या उपजिल्हा रुग्णालयात आणले असता डॉक्टरांनी तपासून मृत घोषित केले. मृत्यूसमयी त्या ८ महिन्यांच्या गर्भवती होत्या. आत्महत्येचे कारण अद्याप समोर आलेले नाही. हर्सूलमध्ये दोन तरुणांची आत्महत्या हर्सूल परिसरातील एकतानगर आणि जाधववाडीत रविवारी (७ डिसेंबर) दोन तरुणांनी आत्महत्या केली. गौरव दीपक सोनवणे (वय २५, रा. एकतानगर) आणि योगेश नामदेव दिवटे (वय २५, रा. आमठाणा, ता. सिल्लोड, ह.मु. गल्ली नं ७, जाधववाडी) यांनी त्यांच्या राहत्या घरी आत्महत्या केली. हर्सूल पोलिसांनी घटनांची नोंद करून तपास सुरू केला आहे.
