पैठण (मेट्रोपोलिस पोस्ट वृत्तसेवा) : पैठण शहरातील संतनगर परिसरातून १८ वर्षीय हिंदू मुलीचे लव्ह जिहादच्या जाळ्यात अडकवून अपहरण करणाऱ्या चिराग अतहर अहमद फारुकी याच्या मुसक्या ४८ तासांतच आवळण्यात पैठण पोलिसांना यश आले आहे. त्याला मुलीसह नवी मुंबईतील घनसोली परिसरातून ताब्यात घेण्यात आले.
पोलीस निरीक्षक महादेव गोमारे यांनी चिरागच्या शोधासाठी चार विशेष पथके तयार केली होती. मोबाइल लोकेशनच्या आधारे जालना, पुणे आणि मध्य प्रदेशातील उज्जैनपर्यंत तपासाची चक्रे फिरली. अखेर शनिवारी मध्यरात्री चिराग हा मुलीसह नवी मुंबईतील घनसोली भागात असल्याची खात्रीशीर माहिती मिळताच पोलिसांनी सापळा रचून त्याला ताब्यात घेत मुलीची सुरक्षित सुटका केली. मुलीच्या वडिलांच्या तक्रारीत चिरागला मदत करणाऱ्याचाही उल्लेख आहे. मात्र रविवारी त्याचा उल्लेख गुन्ह्यात नसल्याचे पोलीस उपनिरीक्षक ऋषिकेश तळेकर यांनी सांगितले. मात्र या प्रकरणाच्या अनुषंगाने एका व्यक्तीची आज, २ फेब्रुवारीला चौकशी करण्यात येणार असल्याचेही त्यांनी सांगितले. असे केले होते अपहरण...चिराग हा महाराष्ट्र कॉम्प्युटर सेंटर नावाने क्लासेस चालवतो. मुलीच्या वडिलांनी अपहरणाची तक्रार केली होती. त्यांनी मोठ्या भावाकडे पैठणच्या संतनगर भागात मुलीला शिक्षणासाठी ठेवले होते. पीडित मुलगी ऐश्वर्या (नाव बदलले आहे) कॉम्प्युटर क्लासेससाठी महाराष्ट्र कॉम्प्युटर सेंटरमध्ये जात होती. तिला तेथील शिक्षक चिराग फारुकी हा शिकवत होता. गेल्या आठवड्यात ऐश्वर्याने घरी सांगितले होते, की चिराग हा तिला त्याच्यासोबत लग्न कर, असे म्हणत होता. त्यामुळे तिने एक आठवड्यापासून क्लासेसला जाणे बंद केले होते. बुधवारी दुपारी तीनला ऐश्वर्या घरी असताना चिरागने साथीदारासह येऊन तिला आवाज दिला. ऐश्वर्या गेटकडे गेली असता चिरागने मुलीचा हात पकडून ओढले. मुलगी आरडाओरड करू लागल्याने तिथेच असलेल्या एका मुलाने तिला सोडविण्याचा प्रयत्न केला. मात्र चिरागने त्याला लाथ मारून खाली पाडले. चिरागसोबत असलेला व्यक्ती लगेचच एमएच २० एफबी ४७७९ क्रमांकाची एचएफ डिलक्स हिरो कंपनीची मोटारसायकल घेऊन आला. दोघांनी ऐश्वर्याला बळजबरीने गाडीवर बसवले आणि सुसाट पळवून नेले होते. ऐश्वर्याच्या नातेवाइकांनी तिचा पैठण शहरात शोध घेऊनही ती न मिळून आल्याने पोलिसांत धाव घेतली. मुलगी १८ वर्षे ११ महिने वयाची आहे. तिला बळजबरीने लग्न करण्यासाठी किंवा अन्य अनैतिक कारणासाठी पळवून नेल्याचे तिच्या वडिलांनी तक्रारीत म्हटले होते. या घटनेमुळे पैठण शहरात संतापाची लाट उसळली होती.
सकल हिंदू समाजाचा मोर्चा
हिंदू मुलीचे धर्मांधाने केलेल्या अपहरणाच्या पार्श्वभूमीवर पैठण शहरात रविवारी (१ मार्च) सकाळी ११ ला सकल हिंदू समाजाने भव्य जनआक्रोश मोर्चा काढला. मोर्चाची सुरुवात शहरातील खंडोबा मंदिर परिसरातून झाली. यात शहर व ग्रामीण भागातील संत महंत, कीर्तनकार, प्रवचनकार, विद्यार्थी आणि महिलांनी मोठ्या संख्येने सहभाग नोंदवला. हातात फलक घेऊन नागरिक सहभागी झाले. मोर्चाचा समारोप छत्रपती शिवाजी महाराजांच्या पुतळ्याजवळ करण्यात आला. पालकांनी मुलांवर लक्ष ठेवावे आणि सर्वांनी कायद्याचे पालन करावे, असे आवाहन मान्यवरांनी भाषणातून केले. प्रकरणातील तरुणी सध्या पोलिसांच्या ताब्यात असून, कायदेशीर प्रक्रिया सुरू आहे. तपास निष्पक्ष व्हावा आणि दोषींवर कठोर कारवाई व्हावी, अशी मागणी करण्यात आली. या वेळी उपविभागीय पोलीस अधिकारी सुनील पाटील यांच्या मार्गदर्शनाखाली पोलीस निरीक्षक महादेव गोमारे यांनी चोख बंदोबस्त ठेवला होता.
.jpg)
.jpg)
