आश्चर्यम्‌... बाथरूमसाठी खोदकाम करताना सापडले रहस्यमयी भुयार!; शिवन्यातील खळजनक घटना, पाहण्यासाठी तोबा गर्दी, प्रशासनाने पुरातत्‍व विभागाला कळवले

By City News Desk

On 26 Jan 2026

आश्चर्यम्‌... बाथरूमसाठी खोदकाम करताना सापडले रहस्यमयी भुयार!; शिवन्यातील खळजनक घटना, पाहण्यासाठी तोबा गर्दी, प्रशासनाने पुरातत्‍व विभागाला कळवले

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

शिवना, ता. सिल्लोड (मेट्रोपोलिस पोस्ट वृत्तसेवा) : शिवना (ता. सिल्लोड) येथील जैन समाज मंदिराजवळ राहणाऱ्या अशोक भगवान वाघ हे नवीन घर बांधत असून, शेजारील रिकाम्या जागेत आज, २६ जानेवारीला स्वच्छतागृहासाठी खोदकाम करताना मंदिरासारखी कळसाकृती रचना असणारे भुयार सापडले आहे. हे भुयार पाहण्यासाठी दिवसभर गर्दी उसळली होती. मंडळ अधिकारी, पोलीस प्रशासन व ग्रामपंचायत अधिकाऱ्यांनी पाहणी करून तहसीलदारांमार्फत पुरातत्व विभागाला ही माहिती पुरवली आहे.

सुरुवातीला पोकळ जागा दिसल्याने नेमका हा प्रकार काय, असे वाटून वाघ यांनी संपूर्ण भाग खोदून मोकळा केला. त्यावेळी जुने बांधकाम केलेले घुमटाकार भुयार आढळले. गोलाकार रचना आणि दोन्ही बाजूच्या भिंतीला दिवे लावण्यासाठीची जागा सोडलेली दिसून आली. भुयाराचे बांधकाम जुन्या विटा व दगडाने केलेले असून, साधारण ८०० स्क्वेअर मीटर मोठे घुमटाकार छप्पर असलेले हे बांधकाम आहे. भुयार नेमके कशाचे आहे, याची माहिती गावातील जुन्याजाणत्यांनाही नाही. त्यामुळे उत्‍सुकता निर्माण झाली आहे. सकाळपासून नागरिकांची गर्दी भुयार पहायला उसळली. याठिकाणी तपस्वी वास्तव्यास असतील, अशी चर्चा गावात रंगली होती. मंडळ अधिकारी विजय शेळके, ग्राम विकास अधिकारी आर. जी. गंगावणे, प्रतीक जोशी, सुनील वाघ, नदीम शेख आदींनी पाहणी केली. तूर्त नक्की हे बांधकाम कशाचे आहे, हे स्पष्ट नसल्याने, पुरातत्व विभाग काही सांगत नाही तोपर्यंत पुढील काम बंद करण्यात आले आहे.