पंक्‍चर झालेल्या कारला मागून सुसाट पिकअपने उडवले, १ गंभीर, मुकुंदवाडीतील पीव्हीआरसमोरील घटना

By City News Desk

On 31 Aug 2025

पंक्‍चर झालेल्या कारला मागून सुसाट पिकअपने उडवले, १ गंभीर, मुकुंदवाडीतील पीव्हीआरसमोरील घटना

छत्रपती संभाजीनगर (सीएससीएन वृत्तसेवा) : मुकुंदवाडीतील पीव्हीआर सिनेमासमोर जालना रोडवर पंक्‍चर झालेल्या कारला बोलेरो पिकअप वाहनाने जोरदार धडक दिली. यात एक जण गंभीर जखमी झाला. त्‍याच्यावर खासगी रुग्णालयात उपचार सुरू आहेत. ही घटना गुरुवारी (२८ ऑगस्ट) मध्यरात्रीनंतर साडेबाराच्या सुमारास घडली.

रिक्षाचालक सोहेल खान करीम खान (वय २५, रा. राजमल टॉकीजजवळ, काद्राबाद, जालना) याने या प्रकरणात तक्रार दिली आहे. त्‍याच्यावर सह्याद्री हॉस्पिटलमध्ये उपचार सुरू आहेत. गुरुवारी (२८ ऑगस्ट) मध्यरात्रीनंतर साडेबाराच्या सुमारास सोहेल आणि त्‍याचा भाऊ मजहर सिकंदर सय्यद हे छत्रपती संभाजीनगर येथून कारने (MH 44 B 1672) जालन्याकडे जात होते.

जालना रोडवर मुकुंदवाडी येथे पीव्हीआर टॉकीजसमोर कारचे समोरील ड्रायव्हर साईडचे टायर पंक्चर झाल्याने ते गाडीखाली उतरले. कारची स्टेपनी खोलत असताना मागून बोलेरो पिकअप वाहन (MH 20 GC 2191) भरधाव आले. सोहेलला धडक देऊन कारला धडक दिली. त्यामुळे सोहेल गंभीर जखमी झाला. त्याचे दोन्ही पाय फ्रॅक्चर झाले. कमरेलाही जखमा झाल्या. मारुती इको कारचेही नुकसान झाले. सोहेलला मजहरने तातडीने सह्याद्री हॉस्पिटलमध्ये दाखल केले. अधिक तपास पोलीस अंमलदार रमेश तांबोरे करत आहेत.