Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
सोयगाव (मेट्रोपोलिस पोस्ट वृत्तसेवा) : रस्ता ओलांडताना भरधाव कारने उडवल्याने जरंडी व घोसला सजाचे ग्राम महसूल अधिकारी गोरखनाथ काशिनाथ गव्हाणे (वय ५१, रा. खोकडपुरा, छत्रपती संभाजीनगर) यांचा मृत्यू झाला. ३ डिसेंबरला अपघात झाला होता. रविवारी (७ डिसेंबर) उपचारादरम्यान दुपारी १ ला त्यांची प्राणज्योत मालवली.
गोरखनाथ गव्हाणे यांना सिल्लोड तालुक्यातील आळंद येथे रस्ता ओलांडत असताना भरधाव कारने उडविले होते. यात ते गंभीर जखमी झाल्याने त्यांच्यावर छत्रपती संभाजीनगर येथील खासगी रुग्णालयात उपचार सुरू होते. उपचारादरम्यान मृत्यू झाला. रविवारी रात्री साडेआठ वाजता छत्रपती संभाजीनगर येथील कैलासनगर स्मशानभूमीत त्यांच्या पार्थिवावर अंत्यसंस्कार करण्यात आले. त्यांच्या पश्चात पत्नी, मुलगी, दोन भाऊ, बहीण असा परिवार आहे.
