Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
सिल्लोड (मेट्रोपोलिस पोस्ट वृत्तसेवा) : वर्षभरापूर्वी एका तरुणाने आपल्या मुलीची छेड काढली होती. आता त्यानेच मुलीला पळवून नेल्याची तक्रार ४४ वर्षीय पित्याने सिल्लोड ग्रामीण पोलीस ठाण्यात केली आहे. त्यावरून पोलिसांनी बुधवारी (४ मार्च) अपहरणाचा गुन्हा दाखल करून मुलीचा शोध सुरू केला आहे.
भोकरदनच्या रिक्षाचालकाने या प्रकरणात तक्रार दिली आहे. त्यांची १७ वर्षीय मुलगी २८ फेब्रुवारीला आत्याकडे सिल्लोड तालुक्यातील एका गावात उन्हाळी सुटीनिमित्त आली होती. बुधवारी पहाटे चारला महिलेने कॉल करून भावाला कळवले, की रात्री ९ ला मुलगी त्यांच्याजवळ झोपली होती. मात्र पहाटे चारला झोपेतून उठले तर ती झोपलेल्या ठिकाणी दिसत नाही. त्यानंतर मुलीच्या वडिलांनी तिचा नातेवाइकांकडे, इतर ठिकाणी शोध घेतला. मात्र ती मिळून आली नाही. एक वर्ष अगोदर दावतपूर टाकळी (ता. भोकरदन) येथील एका मुलाने या मुलीचा पाठलाग केला व छेड काढली होती. त्याच्याविरुद्ध भोकरदन पोलीस ठाण्यात तक्रारही देण्यात आली होती. त्यानेच आता आपल्या मुलीला पळवून नेले असेल, असा संशय मुलीच्या पित्याने व्यक्त केला आहे. अधिक तपास पोलीस उपनिरीक्षक लहुजी घोडे करत आहेत.
.jpg)
.jpg)
.jpg)
