Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
कन्नड (मेट्रोपोलिस पोस्ट वृत्तसेवा) : सिल्लोड तालुक्यातील अजिंठा येथे पत्रकार मुनीरखाँ चाँद खाँ पठाण (वय ४२) यांना गावातीलच शेख नईम शेख शरीफ याने शिवीगाळ करून मारहाण केली. जीवे मारण्याची धमकी दिली. शनिवारी (७ मार्च) अजिंठा पोलिसांनी पत्रकार संरक्षण कायद्यांतर्गत नईमविरुद्ध गुन्हा दाखल केला आहे.
नक्की काय घडलं? अजिंठा गावातील पाणी शुद्धीकरणाच्या चौकशीसाठी पंचायत समितीचे अधिकारी आले होते. या घटनेचे व्हिडीओ चित्रण आणि माहिती घेत असताना शेख नईम याने पत्रकार पठाण यांना विरोध केला. तू कसला पत्रकार आहेस, असे म्हणत शिवीगाळ करत पठाण यांना चापट-बुक्क्यांनी मारहाण केली. त्यांचा मोबाइल हिसकावून घेत रस्त्यावर फेकून दिला. त्यांना व त्यांच्या कुटुंबाला जीवे मारण्याची धमकी दिली, अशी तक्रार पठाण यांनी अजिंठा पोलीस ठाण्यात केली. ही घटना सोमवारी (२ मार्च) दुपारी २ च्या सुमारास घडल्याचे पठाण यांनी तक्रारीत म्हटले आहे. अधिक तपास उपविभागीय पोलीस अधिकारी दिनेशकुमार कोल्हे करत आहेत.
.jpg)
.jpg)
.jpg)
