Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : जागतिक महिला दिनानिमित्त आज, ८ मार्चला जिल्हा प्रशासन व शिक्षण विभागातील महिला अधिकारी, कर्मचाऱ्यांची सुपर वुमन बाईक रॅली काढण्यात आली. क्रांती चौकापासून सुरू झालेल्या या रॅलीचा जिल्हाधिकारी कार्यालयात समारोप झाला. महिला या शक्तीचे स्वरुप असतात. गरज आहे ती फक्त महिलांनी स्वतःच्या क्षमता ओळखण्याची, अशा शब्दांत जिल्हाधिकारी दिलीप स्वामी यांनी महिलांचा आत्मविश्वास वाढवला. सकाळी साडेसात वाजता क्रांती चौकातून महिलांच्या बाईक रॅलीचा शुभारंभ झाला.
जिल्हाधिकारी दिलीप स्वामी, उपजिल्हाधिकारी संगिता राठोड, शिक्षणाधिकारी माध्यमिक आश्विनी लाठकर, शिक्षणाधिकारी प्राथमिक जयश्री चव्हाण तसेच प्रशासनातील महिला अधिकारी, कर्मचारी रॅलीत उत्साहात सहभागी झाल्या. रॅलीत महिला सक्षमीकरणाच्या घोषणांनी परिसर निनादून गेला. पैठण गेट, तापडिया रंगमंदिर मार्ग, महात्मा फुले व क्रांतीज्योती सावित्रीबाई फुले यांच्या पुतळ्यांना अभिवादन करत औरंगपुरा भाजी मंडीमार्गे जिल्हाधिकारी कार्यालय येथे या रॅलीचा समारोप झाला. जिल्हाधिकारी कार्यालयात समारोप प्रसंगी जिल्हाधिकारी स्वामी यांनी महिलांच्या कार्यकर्तृत्वाचा गौरव केला. प्रास्ताविक संगिता राठोड यांनी केले. आभार आश्विनी लाठकर यांनी मानले.
.jpg)
.jpg)
.jpg)
.jpg)
