Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
कन्नड (मेट्रोपोलिस पोस्ट वृत्तसेवा) : दुचाकीवरील नियंत्रण सुटून वेळगंगा नदीच्या पुलावरील संरक्षक कठड्याला धडकल्याने १८ वर्षीय विद्यार्थ्याचा मृत्यू झाला. ही दुर्घटना मंगळवारी (१६ डिसेंबर) सकाळी साडेआठच्या सुमारास घडली. ओम कडुनाथ तुपे (वय १८ वर्षे, रा. बाभूळगाव बुद्रूक ता. वैजापूर) असे मृत्यू झालेल्याचे नाव आहे.
ओम सध्या वाळूज पंढरपूरला राहून खासगी कंपनीत काम करून शिऊर भागातील कनिष्ठ महाविद्यालयात शिकतही होता. परीक्षेसाठी वाळूज येथून रोज दुचाकीने ये-जा करत होता. मंगळवारी सकाळी वाळूज येथून दुचाकीने (एमएच २० जीडब्लू ६८३४) कॉलेजकडे येत असताना देवगाव रंगारीजवळील वेळगंगा नदीवरील पुलाजवळील वळणावर त्याचे दुचाकीवरील नियंत्रण सुटले. त्यामुळे दुचाकी पुलावरील संरक्षक भिंतीला जोरात आदळली.
ओमच्या डोक्याला गंभीर दुखापत झाली. ग्रामस्थ आणि देवगाव रंगारी पोलिसांनी घटनास्थळी धावून ओमला देवगाव रंगारी येथील ग्रामीण रुग्णालयात आणले. नंतर १०८ रुग्णवाहिकेतून छत्रपती संभाजीनगरातील घाटी रुग्णालयात नेत असतानाच त्याचा रस्त्यात मृत्यू झाला. देवगाव रंगारी पोलिसांनी अपघाताची नोंद घेतली आहे. अधिक तपास सहायक फौजदार भीमराव चेळेकर, पोलीस अंमलदार केसरसिंग राजपूत करीत आहेत.
.jpg)
.jpg)
.jpg)
