अचानक टायर फुटले; भरधाव कार रस्त्याच्या कडेला उलटल्याने तरुण व्यापाऱ्याने गमावला जीव

छत्रपती संभाजीनगर – सोलापूर राष्ट्रीय महामार्गावर पाचोडजवळ भीषण दुर्घटना

On 18 Feb 2026

अचानक टायर फुटले; भरधाव कार रस्त्याच्या कडेला उलटल्याने तरुण व्यापाऱ्याने गमावला जीव

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : छत्रपती संभाजीनगर ते सोलापूर राष्ट्रीय महामार्गावर पाचोडपासून २ कि.मी. अंतरावर सोमवारी मध्यरात्री २:४५ वाजेच्या सुमारास भरधाव वेगातील कारचे अचानक टायर फुटले. मोठा आवाज होऊन कार रस्त्यालगतच्या दिशादर्शक लोखंडी फलकावर जाऊन आदळली. या अपघातात पाचोड येथील तरुण व्यापाऱ्याला जीव गमवावा लागला. महेश उर्फ पप्पू श्रीराम हुलजते (वय ४५ वर्षे) असे मृत व्यापाऱ्याचे नाव आहे.

पाचोड येथील हार्डवेअर व्यावसायिक महेश हुलजते हे सोमवारी मध्यरात्री २:४५ वाजेच्या सुमारास त्यांच्या कारने माळीवाडा भोकरवाडीकडून पाचोडला येत होते. पाचोडपासून २ किलोमीटर अंतरावर छत्रपती संभाजीनगर ते सोलापूर राष्ट्रीय महामार्गावर अचानक त्यांच्या कारचे टायर फुटल्याने हुलजते यांचा वाहनावरील ताबा सुटला आणि कार रस्त्याच्या कडेला असलेल्या दिशादर्शक लोखंडी पोलवर जोरात जाऊन आदळली. या अपघातात कारचा अक्षरशः चुराडा झाला. तसेच कारचालक हुलजते हे गंभीर जखमी झाले.
अपघाताची माहिती मिळताच नातेवाइकांनी घटनास्थळी धाव घेऊन त्यांना तातडीने पाचोड येथील ग्रामीण रुग्णालयात दाखल केले. तेथे प्राथमिक उपचार करून पुढील उपचारासाठी त्यांना छत्रपती संभाजीनगर येथील खासगी रुग्णालयात हलविण्यात आले. मात्र, दुर्दैवाने उपचार सुरू असतानाच मंगळवारी सकाळी ६ वाजेच्या सुमारास त्यांची प्राणज्योत मालवली.

हुलजते कुटुंबावर दु:खाचा डोंगर
या घटनेची माहिती मिळताच पाचोड पोलिसांनी घटनास्थळी भेट देऊन पंचनामा केला. या घटनेची नोंद पाचोड पोलिस ठाण्यात करण्यात आली आहे. महेश हुलजते यांच्या पार्थिवावर मंगळवारी सायंकाळी सहा वाजता पाचोड येथील स्मशानभूमीत अत्यंत शोकाकुल वातावरणात अंत्यसंस्कार करण्यात आले. त्यांच्या पश्चात आई, पत्नी, एक मुलगी, एक मुलगा, एक भाऊ आणि दोन बहिणी असा परिवार आहे.

तू मला आवडतेस, बोलली नाहीस तर बदनामी करेन... धमकावत अल्पवयीन मुलीचा पाठलाग, विनयभंग, २३ वर्षीय तरुणाला अटक, सिडको एमआयडीसीतील घटना

By City News Desk

पोलीस भरतीचे स्वप्न राहिले अधुरे, २० वर्षीय तरुणाचा धावण्याच्या सरावादरम्यान अपघाती मृत्‍यू, पैठण तालुक्यातील दुर्दैवी घटना

By City News Desk

छत्रपती संभाजीनगरात शिवजयंतीचा उत्साह शिगेला : ९५ मिरवणुका निघणार, वाहतुकीत मोठे बदल, आज सायंकाळपासूनच घराबाहेर पडण्याआधी ही बातमी वाचा, पर्यायी मार्ग जाणून घ्या...

By City News Desk

स्विगी डिलिव्हरी बॉयचे अपहरण करून डांबून ठेवत अमानुष मारहाण, मंजूरपुऱ्यातील घटनेने खळबळ

By City News Desk

मोकाट कुत्र्यांच्या झुंडीने चिमुकल्यावर चढवला हल्ला, चिमुकला आक्रोश करत असताना आणखी लचके तोडले, बायजीपुऱ्यातील घटनेने महापालिकेप्रती संतापाची लाट, जी. श्रीकांत पाठ थोपटून घेण्याऐवजी अधिकाऱ्यांना कामाला लावा, नागरिकांची अपेक्षा

By City News Desk

अचानक टायर फुटले; भरधाव कार रस्त्याच्या कडेला उलटल्याने तरुण व्यापाऱ्याने गमावला जीव

छत्रपती संभाजीनगर – सोलापूर राष्ट्रीय महामार्गावर पाचोडजवळ भीषण दुर्घटना

आणखी महत्त्वाच्या बातम्या

अचानक टायर फुटले; भरधाव कार रस्त्याच्या कडेला उलटल्याने तरुण व्यापाऱ्याने गमावला जीव

छत्रपती संभाजीनगर पोलिसांकडून ‘बुलेटराजां’वर कारवाईचा दणका

छत्रपती संभाजीनगर जिल्ह्यात लवकरच ६३७ ग्रामपंचायतींचे कारभारी निवडले जाणार

डीजे चालकांना पोलिस प्रशासनाची तंबी : कामे घ्याल तर डीजे जप्त करून थेट गुन्हे दाखल करण्याचा इशारा

खुलताबाद तालुक्यात शेतकऱ्याचा मृतदेह आढळला विहिरीत; रात्रीच्यावेळी पिकांना पाणी देणे बेतले जीवावर

ब्रेकऐवजी एक्सिलेटरवर पाय पडला अन्‌ कार थेट लॅबमध्ये घुसली!; गजानन महाराज मंदिर रस्त्यावर अपघाताचा थरार

स्विगी डिलिव्हरी बॉयचे अपहरण करून डांबून ठेवत अमानुष मारहाण, मंजूरपुऱ्यातील घटनेने खळबळ

छत्रपती संभाजीनगरात पवित्र रमजानची जय्यत तयारी; गुरुवारपासून होणार प्रारंभ

महापालिका आयुक्त संतापले!; नगरसेवकांना बजावले!!; यापुढे शिवीगाळ, अर्वाच्य भाषेत बोलाल तर थेट फौजदारी करणार...

प्रशासनाचा दणका : छत्रपती संभाजीनगरातील ६० ड्रग्ज पेडलर्स, एजंटांवर करणार योगी स्टाईल बुलडोझर कारवाई

Latest News