शाळेत चाललेल्या ६ वर्षीय चिमुकलीचे मोकाट कुत्र्यांनी तोडले लचके!; खुलताबाद तालुक्‍यातील थरारक घटना

By City News Desk

On 10 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

खुलताबाद (सीएससीएन वृत्तसेवा) : बाजारसावंगी (ता. खुलताबाद) येथील दवाखाना कॉलनी परिसरातील तहसीन तय्यब पठाण (वय ६) ही चिमुकली शुक्रवारी (९ ऑगस्ट) सकाळी नऊला जिल्हा परिषद प्रशालेत पाठीवर दप्तर व जेवणाचा डबा घेऊन निघाली होती. रस्त्यात तिच्यावर गावातील सहा ते सात मोकाट कुत्र्यांनी हल्ला केला. कुत्र्यांनी तिच्या मानेसह पाठ व कंबरेचे लचके तोडले. गंभीर जखमी तहसीनला […]

खुलताबाद (सीएससीएन वृत्तसेवा) : बाजारसावंगी (ता. खुलताबाद) येथील दवाखाना कॉलनी परिसरातील तहसीन तय्यब पठाण (वय ६) ही चिमुकली शुक्रवारी (९ ऑगस्ट) सकाळी नऊला जिल्हा परिषद प्रशालेत पाठीवर दप्तर व जेवणाचा डबा घेऊन निघाली होती. रस्त्यात तिच्यावर गावातील सहा ते सात मोकाट कुत्र्यांनी हल्ला केला. कुत्र्यांनी तिच्या मानेसह पाठ व कंबरेचे लचके तोडले.

गंभीर जखमी तहसीनला सध्या छत्रपती संभाजीनगर येथील घाटी रुग्णालयात दाखल केले असून, तिच्यावर उपचार सुरू आहेत. तहसीनवर कुत्र्यांनी हल्ला केल्यानंतर तिचा आक्रोश ऐकून ग्रामस्थ धावून आले. त्यांनी कुत्र्यांना हाकलून देत तिला तत्काळ उपचारासाठी प्रथम प्राथमिक आरोग्य केंद्रात व नंतर छत्रपती संभाजीनगर येथील घाटी रुग्णालयात हलविले.या घटनेनंतर गावातील महिला, मुलांत भीतीचे वातावरण निर्माण झाले आहे. मोकाट कुत्र्यांचा बंदोबस्त करण्यात ग्रामपंचायतीला अपयश आले असून, यामुळे अशा दुर्दैवी घटना घडत असल्याचा संताप ग्रामस्थांनी व्यक्‍त केला.