Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
फुलंब्री (सीएससीएन वृत्तसेवा) : पत्ते खेळताना दोन तरुणांत वाद होऊन एकाने चाकूने दुसऱ्याचा भोसकून खून केला. ही खळबळजनक घटना फुलंब्री तालुक्यातील पिंपळगाव वळण फाट्यावर रविवारी (२२ सप्टेंबर) सकाळी दहाला घडली. मदन रावण बिघोत (वय ३६, रा. डोंगरगावशिव, ह. मु. पिंपळगाव वळण, ता. फुलंब्री) असे हत्या झालेल्याचे नाव आहे. आकाश कौतिक खंडाळे (वय २३, रा. पिंपळगाव […]
फुलंब्री (सीएससीएन वृत्तसेवा) : पत्ते खेळताना दोन तरुणांत वाद होऊन एकाने चाकूने दुसऱ्याचा भोसकून खून केला. ही खळबळजनक घटना फुलंब्री तालुक्यातील पिंपळगाव वळण फाट्यावर रविवारी (२२ सप्टेंबर) सकाळी दहाला घडली.
मदन रावण बिघोत (वय ३६, रा. डोंगरगावशिव, ह. मु. पिंपळगाव वळण, ता. फुलंब्री) असे हत्या झालेल्याचे नाव आहे. आकाश कौतिक खंडाळे (वय २३, रा. पिंपळगाव वळण) असे संशयिताचे नाव आहे. आकाश आणि मदनची यांच्यात शनिवारी सायंकाळी पत्ते खेळताना वाद झाला. रविवारी सकाळी दहाला गावाच्या फाट्यावर मदन गेला असता तिथे आकाशही होता. दोघांत पुन्हा वाद झाला. आकाशने मदनला बेल्टने मारहाण केली.
तेवढ्यावरच न थांबता तो घरी गेला. घरून चाकू आणून त्याने मदनच्या छातीवर सपासप वार केले. मदन रक्ताच्या थारोळ्यात कोसळला. ग्रामस्थांनी त्याला आधी फुलंब्री, नंतर छत्रपती संभाजीनगर येथील घाटी रुग्णालयात हलविले. तेथे डॉक्टरांनी तपासून मदनला मृत घोषित केले. मदनच्या पश्चात आई, वडील, पत्नी, मुलगा, मुलगी असा परिवार आहे. खून केल्यानंतर आकाश खुलताबादमार्गे भुसावळला पळून जात होता. पोलिसांनी खुलताबादमध्येच त्याच्या मुसक्या आवळल्या.
.jpg)
