घरी प्रसुतीदरम्यान अतिरक्‍तस्‍त्राव; प्रकृती खालावल्याने गंगापूरला नेताना ट्रॅक्‍टर दोनदा चिखलात फसला, रुग्णालयात नेईपर्यंत गेला २५ वर्षीय विवाहितेचा जीव!

By City News Desk

On 12 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

गंगापूर (सीएससीएन वृत्तसेवा) : गंगापूर तालुक्यातील पखोरा येथे स्वाती प्रमोद पदार (वय २५, रा. पखोरा, ता. गंगापूर) या विवाहितेचा प्रसूतीदरम्यान अति रक्तस्त्राव झाल्याने मृत्यू झाल्याची दुर्दैवी घटना समोर आली आहे. प्रवासी वाहन उपलब्ध न झाल्याने स्वातीला गंगापूरला ट्रॅक्टरमधून न्यावे लागले होते. हा ट्रॅक्टर खराब रस्त्यामुळे दोन ठिकाणी चिखलात फसला. त्‍यामुळे गंगापूरकडे जाण्यास विलंब झाला. ट्रॅक्टर […]

गंगापूर (सीएससीएन वृत्तसेवा) : गंगापूर तालुक्यातील पखोरा येथे स्वाती प्रमोद पदार (वय २५, रा. पखोरा, ता. गंगापूर) या विवाहितेचा प्रसूतीदरम्यान अति रक्तस्त्राव झाल्याने मृत्यू झाल्याची दुर्दैवी घटना समोर आली आहे. प्रवासी वाहन उपलब्ध न झाल्याने स्वातीला गंगापूरला ट्रॅक्टरमधून न्यावे लागले होते. हा ट्रॅक्टर खराब रस्त्यामुळे दोन ठिकाणी चिखलात फसला. त्‍यामुळे गंगापूरकडे जाण्यास विलंब झाला. ट्रॅक्टर फसला नसता तर तिला रुग्णालयात वेळेवर नेता आले असते, खराब रस्त्यामुळे स्वातीचा बळी गेल्याचा आरोप तिच्या नातेवाइकांनी केला आहे.

स्वातीने बाळाला जन्म दिला असून, पुरुष जातीचे बाळ सुखरूप असल्याची माहिती नातेवाइकांनी दिली. रविवारी सकाळी सातच्या सुमारास स्वातीला अचानक प्रसूतीवेदना सुरू झाल्या. घरातील महिलांनी स्वातीची प्रसूती केली. तिने पुरुष जातीच्या बाळाला जन्म दिला. मात्र प्रसूती दरम्यान अतिरक्तस्त्राव झाल्याने तिची प्रकृती खालावली. त्यामुळे तिला गंगापूर येथील उपजिल्हा रुग्णालयात नेण्यात आले. तिथे वैद्यकीय अधिकाऱ्यांनी तपासून तिला मृत घोषित केले. स्वाती यांच्या पश्चात पती, एक मुलगी, दोन मुले असा परिवार आहे. उत्तरीय तपासणीनंतर मृतदेह रविवारी दुपारी नातेवाइकांच्या स्वाधीन करण्यात आला.