"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : सोलापूर-धुळे हायवेवरील आडगाव बुद्रूक शिवारातील हॉटेल राजस्थानीतील सर्व साहित्य घेऊन हॉटेलचालक गायब झाला आहे. हॉटेलमालकाने त्याला ११ महिन्यांसाठी हॉटेलची जागा आणि साहित्य भाड्याने दिले होते. हे साहित्य त्याने चोरून नेल्याची तक्रार आता हॉटेलमालकाने चिकलठाणा पोलीस ठाण्यात केली आहे. त्यावरून शुक्रवारी (१७ ऑक्‍टोबर) पोलिसांनी हॉटेलचालकाविरुद्ध गुन्हा दाखल केला आहे.
बुधाराम भवरलाल चव्हाण (रा. राजस्थान) असे हॉटेलचालक चोरट्याचे नाव आहे. श्याम प्रल्हाद हाके (वय ५४ रा. आडगाव बुद्रूक, ता. जि. छत्रपती संभाजीनगर) यांनी या प्रकरणात तक्रार दिली आहे. ते शेती करतात. त्यांनी बुधाराम चव्हाणला हॉटेल राजस्थानी चालवायला दिले होते. मात्र चव्हाणने हॉटेलमधील ग्रेडर मशीन, फ्रिज, गॅस भट्टी, ३ सिलिंडरच्या टाक्या असे एकूण ४५ हजार रुपयांचे साहित्य चव्हाणने चोरून नेले. बुधाराम चव्हाणचा हाके यांनी शोध घेतला. मात्र तो मिळून आला नाही. अधिक तपास पोलीस अंमलदार निवृत्ती मदने करत आहेत.
.jpg)
.jpg)
.jpg)
.jpg)
.jpg)
.jpg)
.jpg)
