महात्मा बसवेश्वर यांचा भव्य अश्वारूढ पुतळा वाजतगाजत आणला हडकोत!

By City News Desk

On 21 Mar 2026

महात्मा बसवेश्वर यांचा भव्य अश्वारूढ पुतळा वाजतगाजत आणला हडकोत!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : महात्मा बसवेश्वर यांचा भव्य अश्वारूढ पुतळा शुक्रवारी (२० मार्च) हडको एन १२ येथील स्वामी विवेकानंद उद्यानात आणण्यात आला. नियोजित चबुतऱ्यावर पुतळा बसविण्याचे काम रात्री उशिरापर्यंत सुरू होते. लवकरच पुतळ्याचे अनावरण होणार आहे.

चिकलठाणा येथील मडिलगेकर आर्ट गॅलरीत हा १६ फूट उंचीचा पुतळा साकारण्यात आला. महापौर समीर राजूरकर, उपमहापौर राजेंद्र जंजाळ, स्थायी समितीचे सभापती अनिल मकरिये, माजी खासदार चंद्रकांत खैरे आदींनी दुपारी अडीचला पुतळ्याची पाहणी करून पूजन केले. नंतर क्रेनच्या साहाय्याने पुतळ्याला उघड्या ट्रकमध्ये ठेवून हडकोत आणण्यात आले. हडकोतील जैस्वाल हॉलजवळ पुतळा आणल्यानंतर तिथून शोभायात्रा काढण्यात आली. वाजत गाजत पुतळा टीव्ही सेंटरमार्गे स्वामी विवेकानंद उद्यानाच्या बाजूला असलेल्या नियोजित जागेवर रात्री ८ वाजता आणण्यात आला. शोभायात्रेत नगरसेवक सचिन खैरे, विश्वनाथ स्वामी, वीरभद्र गादगे, आर्किटेक्ट सचिन संगशेट्टी, ज्ञानेश्वर खर्डे, गुरुपाद पडशेट्टी, शिवा गुळवे यांच्यासह नागरिकांची उपस्थिती होती.