२० विद्यार्थी राहत असलेल्या इमारतीचा भाग कोसळला!, छत्रपती संभाजीनगरमध्ये धोकादायक इमारतींचा प्रश्न पुन्हा ऐरणीवर

By City News Desk

On 17 Dec 2025

२० विद्यार्थी राहत असलेल्या इमारतीचा भाग कोसळला!, छत्रपती संभाजीनगरमध्ये धोकादायक इमारतींचा प्रश्न पुन्हा ऐरणीवर

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : नूतन कॉलनीतील पेन्शनपुरा येथील क्रांती चौक ते सिल्लेखाना रोडवरील घर क्रमांक ५-१६-२५ ही दुमजली इमारत १०० वर्षांहून अधिक जुनी आहे. त्यात सध्या ४० विद्यार्थी राहत होते. या धोकादायक इमारतीचा काही भाग मंगळवारी (१६ डिसेंबर) सायंकाळी कोसळला. सुदैवाने जिवीतहानी झाली नाही. या घटनेनंतर महापालिकेने इमारत मोकळी करून सील ठोकले.

२०२३ मध्येच ही इमारत पाडण्याबाबत महापालिकेने मालकाला नोटीस दिली होती. तरीही पैशांच्या हव्यासापोटी मालकाने दुर्लक्ष केल्याने विद्यार्थ्यांच्या जिवावर बेतले होते. या इमारतीत ५ वेगवेगळी दुकाने होती. या इमारतीचा काही भाग कोसळल्याने एकच खळबळ उडाली. काही विद्यार्थी किरकोळ जखमी झाले. महापालिकेचे इमारत निरीक्षक सय्यद जमशीद यांनी कर्मचाऱ्यांसह घटनास्थळी येऊन धोकादायक इमारत खाली करून घेतली. त्यानंतर इमारतीला सील केले. इमारतीच्या चोहोबाजूंनी सुरक्षा कडे उभारले आहे. महापालिका प्रशासकांच्या आदेशावरून पुढील कार्यवाही केली जाईल, असे सांगण्यात आले. महापालिकेच्या नोटिसीनुसार आम्ही इमारत पाडण्यास त्यांना संमती दर्शवल्याचे इमारत मालक आशा जाधव यांनी सांगितले.