"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : संशयास्पदरित्या मोटारसायकल घेऊन जाणाऱ्या तरुणाला वाळूज एमआयडीसी पोलिसांनी पकडले. त्याच्याकडील मोटारसायकल जप्त करून गुन्हा दाखल केला आहे. ही कारवाई सोमवारी (२० ऑक्‍टोबर) पहाटे साडेतीनच्या सुमारास बजाजनगरात करण्यात आली.
पोलीस अंमलदार वैभव गायकवाड यांनी या प्रकरणात तक्रार दिली आहे. सोमवारी पहाटे साडेतीनच्या सुमारास वाळूज एमआयडीसी पोलीस ठाण्यातील विशेष पथक गस्त घालत असताना बजाजनगरच्या पाईपलाईन रोडवर आले. तिथे गुरुदक्षिणा अपार्टमेंटजवळ विजय झटाळ हा संशयितरित्या यामाहा कंपनीची मोटारसायकल (क्र. एमएच २९, सीएच १५९४) घेऊन जात होता. पोलिसांनी त्याला थांबवून मोटारसायकल कोणाची आहे, याबाबत विचारणा केली. त्यावर त्याने मोटारसायकल स्वतःच्या मालकीची असल्याचे सांगितले. त्याला पोलिसांनी मोटारसायकलची कागदपत्रे मागितली असता उडवाउडवीची उत्तरे देऊ लागला. त्यामुळे पोलिसांनी त्याला मोटारसायकलीसह पोलीस ठाण्यात आणले. त्याच्याकडून २५ हजार रुपयांची मोटारसायकल जप्त केली. त्याने ही मोटारसायकल कुणाची तरी चोरून आणल्याचा पोलिसांना संशय आहे. कागदपत्रे सादर करू न शकल्याने त्याच्याविरुद्ध गुन्हा दाखल केला आहे. अधिक तपास पोलीस अंमलदार सुरेश तारव करत आहेत.
.jpg)
.jpg)
.jpg)
.jpg)
.jpg)
.jpg)
