Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : मिल कॉर्नर सिग्नलवरील हिट ॲन्ड रनप्रकरणी क्रांती चौक पोलिसांनी मंगळवारी (१६ डिसेंबर) कारचालकाविरुद्ध गुन्हा दाखल केला आहे. या कारने हॉटेल मॅनेजर असलेल्या दुचाकीस्वाराला उडवून गंभीर जखमी केले होते.
तेजराव सोमाजी वानखेडे (वय ६२, रा. श्रावस्ती कॉलणी भीमनगर भावसिंगपुरा) यांनी या प्रकरणात तक्रार दिली आहे. ते लक्ष्मीनारायण हॉटेलचे मॅनेजर आहेत. २५ नोव्हेंबरला रात्री ११ च्या सुमारास ते हिरोहोंडा मोटारसायकलीने (MH 20 AE 1543) ड्युटी संपवून घरी जात होते. मिल कॉर्नर सिग्नलवर एका सुसाट कारने ज्युबली पार्कच्या दिशेने येऊन त्यांना धडक दिली. कारचे चाक तेजराव यांच्या उजव्या पायावरून गेले. त्यामुळे पाय फ्रॅक्चर झाला. लोकांनी मदतीला धावून त्यांना घाटी रुग्णालयात दाखल केले.
कारचालकाने मदतीला न थांबता कारसह पळून गेला. एका मुलाने तेजराव यांना कारचा नंबर सांगितला. MH12 JC 1206 असे अपघात घडविणाऱ्या कारचा नंबर असून, वॅगनर मारोती कार असल्याचे तेजराव यांनी तक्रारीत म्हटले आहे. उपचार घेऊन बरे झाल्यानंतर तेजराव यांनी क्रांती चौक पोलीस ठाण्यात कारचालकाविरुद्ध तक्रार दिली. त्यावरून पोलिसांनी गुन्हा दाखल करून कारचालकाचा शोध सुरू केला आहे. अधिक तपास पोलीस अंमलदार अर्शद इकबाल करत आहेत.
.jpg)
.jpg)
.jpg)
