वाळूज महानगरात चोरट्यांची हिंमत तर पहा, महिलेला मारहाण करून हिसकावले मंगळसूत्र

On 15 Feb 2026

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : वाळूज महानगर भागात चोरट्यांचा धुमाकूळ सुरूच असून मुलीसह भाजी आणायला गेलेल्या एका महिलेला मारहाण करत तिच्या गळ्यातील तब्बल ५५ हजार रुपये किमतीचे सोन्याचे मिनी गंठण चोरट्यांनी ओरबाडून नेले. याप्रकरणी दोन चोरट्यांविरुद्ध वाळूज एमआयडीसी पोलिसांनी गुन्हा दाखल केला आहे.

याबाबत वृत्त असे की, प्रियांका विनोद यादव (वय ३५, रा. सिडको वाळूज महानगर- १) या बुधवारी सायंकाळी ७.३० वाजता त्यांच्या मुलीसह मोपेडने ( क्र. एमएच २० ईव्ही ०५७३) भाजीपाला घेऊन घरी जात होत्या. विकास जनरल स्टोअरजवळ मागून यामाहा दुचाकीवरून दोघे चोरटे आले. त्यात मागे बसलेल्या चोरट्याने प्रियांका यांना हाताने मारहाण करून जबर दुखापत केली व त्यांच्या गळ्यातील १६,७८० ग्रॅम वजनाचे सोन्याचे मिनीगंठण हिसकावून दोघेही फरारी झाले. प्रियांका यादव यांनी दिलेल्या फिर्यादीनुसार, त्यांचे मिनी गंठण हे ५४ हजार ८२० रुपये किमतीचे होते. त्यांनी सांगितले की, मिनीगंठण हिसकावून दोन भामटे वेगाने दुचाकीवरून पसार झाले. त्यांच्या तक्रारीवरून वाळूज एमआयडीसी पोलीस ठाण्यात गुन्हा दाखल करण्यात आला असून, चोरट्यांचा शोध घेतला जात आहे.