छत्रपती संभाजीनगर (सीएससीएन वृत्तसेवा) : सेवानिवृत्त पोलीस निरीक्षकांच्या घरातून स्पोर्ट सायकल चोरीला गेली होती. रविवारी (२६ जानेवारी) बबन भाऊराव पवार (वय ४४, रा. प्लॅट नं. ४६, श्रीनगर, उल्कानगरी) यांनी या प्रकरणात तक्रार दिली होती. जवाहरनगर पोलिसांच्या विशेष पथकाने तपास हाती घेऊन अवघ्या काही तासांत अफसर खान ऊर्फ भुऱ्या सत्तार खान (वय २२, रा. इंदिरानगर, ग. […]
छत्रपती संभाजीनगर (सीएससीएन वृत्तसेवा) : सेवानिवृत्त पोलीस निरीक्षकांच्या घरातून स्पोर्ट सायकल चोरीला गेली होती. रविवारी (२६ जानेवारी) बबन भाऊराव पवार (वय ४४, रा. प्लॅट नं. ४६, श्रीनगर, उल्कानगरी) यांनी या प्रकरणात तक्रार दिली होती. जवाहरनगर पोलिसांच्या विशेष पथकाने तपास हाती घेऊन अवघ्या काही तासांत अफसर खान ऊर्फ भुऱ्या सत्तार खान (वय २२, रा. इंदिरानगर, ग. नं. १, छत्रपती संभाजीनगर) याला ताब्यात घेऊन त्याच्याकडून चोरलेली सायकल (किंमत ११ हजार रुपये) जप्त केली. काबरा रोडवरील महावितरण कार्यालयाजवळ सुतगिरणी परिसरात ही कारवाई करण्यात आली.
शनिवारी (२५ जानेवारी) दुपारी ४ च्या सुमारास पवार यांच्या राहत्या घराच्या वॉल कंपाउंडमधून भुऱ्याने स्पोर्ट सायकल चोरून नेली होती. गुन्हा दाखल होताच वरिष्ठ पोलीस निरीक्षक अशोक शरमाळे यांच्या आदेशाने विशेष पथकाचे पोलीस अंमलदार मारोती गोरे व मोफतलाल राठोड यांनी गुप्त बातमीदार व CCTV फूटेजच्या मदतीने भुऱ्याला पकडले. त्याने चोरीची कबुली दिली. त्याच्याविरुद्ध यापूर्वी उस्मानपुरा, सातारा, पुंडलिकनगर, मुकुंदवाडी, जवाहरनगर येथे १५ हून अधिक गंभीर स्वरुपाचे गुन्हे दाखल आहेत. यापूर्वी त्याच्याविरुद्ध तडीपारीची नोटीसही बजावण्यात आली होती. ही कारवाई पोलीस आयुक्त प्रवीण पवार, पोलीस उपायुक्त नितीन बगाटे, सहायक पोलीस आयुक्त रंजीत पाटील, वरिष्ठ पोलीस निरीक्षक अशोक शरमाळे यांच्या मार्गदर्शनाखाली पोलीस अंमलदार प्रल्हाद ठोंबरे, मारोती गोरे, मोफतलाल राठोड, ज्ञानेश्वर शेलार यांनी केली.
